25.07.2026 | 14:02
Վոզինյան նոր ակումբ ունի, դարպասապահի տրանսֆերային արժեքն ավելացել է 10 անգամ
Թուրքական լիրան շարունակում է ռեկորդային անկումը ԿԲ-ի կողմից տոկոսադրույքի բարձրացումից հետո
Քաղաքականություն
23.06.2023 | 18:24
Թուրքական լիրան այսօր Կենտրոնական բանկի կողմից տոկոսադրույքի բարձրացումից հետո 2,8%-ով անկում է գրանցել՝ հասնելով նոր ռեկորդային նվազագույնի, գրում է Gercek news-ը։
Երկրի ԿԲ-ն նախօրեին 27 ամսվա ընթացքում առաջին անգամ բարձրացրել էր տոկոսադրույքը՝ ի հակադրություն նախագահ Ռեջեփ Թայիփ Էրդողանի քաղաքականության։ Դրամավարկային քաղաքականության կոմիտեի առաջին նիստում ԿԲ նախագահ Հաֆիզե Գայե Էրքանի գլխավորությամբ տոկոսադրույքը բարձրացվել է 650 բազային կետով՝ 8,5%-ից մինչև 15%:
Այս որոշումից հետո դոլար-լիրա փոխարժեքն առաջին անգամ հասավ 24,41-ի, իսկ եվրո-դոլար փոխարժեքը՝ 26,84-ի։
Փորձագետները կանխատեսում էին, որ տոկոսադրույքը կավելացվի մինչև 21 տոկոս։
Էմմա Չոբանյան
