24.02.2026 | 18:06
Դատարան է հանձնվել Սեյրան Օհանյանի կնոջ՝ Ռուզան Խաչատրյանի վերաբերյալ քրեական վարույթի նյութերը
ԱՄԷ-ն և Իրանն օդային փոխադրումների մասին համաձայնագիր են ստորագրել
Քաղաքականություն
22.06.2023 | 22:11
Արաբական Միացյալ Էմիրությունները (ԱՄԷ) և Իրանը համաձայնագիր են ստորագրել օդային տրանսպորտի ծառայությունների մասին։ Այս մասին հայտնում է արաբական WAM լրատվական գործակալությունը։
Աղբյուրի փոխանցմամբ՝ փաստաթուղթը ստորագրել են ԱՄԷ-ի քաղաքացիական ավիացիայի գլխավոր տնօրինության գլխավոր տնօրեն Սեիֆ Մուհամմեդ ալ-Սուվեյդին և Իրանի քաղաքացիական ավիացիայի կազմակերպության ղեկավար Մոհամմադ Մոհամմադի-Բախշը։
Փաստաթուղթը թույլ կտա ԱՄԷ-ի և Իրանի ազգային ավիափոխադրողներին ընդլայնել մատուցվող ծառայությունների ցանկը, գրում է գործակալությունը։ Ստորագրման արարողությունը տեղի է ունեցել Դուբայում՝ Իրանի արտգործնախարար Հոսեյն Ամիր Աբդոլահիանի՝ ԱՄԷ կատարած այցի ֆոնին։
Ալ-Սուվեյդիի խոսքով՝ այս համաձայնագիրը կարևոր առաջընթաց է թռիչքների կազմակերպման և ավիացիոն ծառայությունների ցանկի ընդլայնման գործում՝ ի շահ երկու երկրների տրանսպորտային ընկերությունների։
Տաթև Ֆռանգյան
