23.04.2026 | 11:00
Կառավարության նիստը՝ ՈՒՂԻՂ
Գրիգոր Մինասյանը՝ Կարեն Անդրեասյանի վերաբերյալ ԱԱԾ-ում վարույթ հարուցելու լուրերի մասին․ ՏԵՍԱՆՅՈՒԹ
Քաղաքականություն
22.06.2023 | 13:00
Բարձրագույն դատական խորհրդի նախագահ Կարեն Անդրեասյանի դեմ հարուցված քրեական գործի մասին հրապարակումները բամբասանքներ են։ Կառավարության նիստից հետո լրագրողների հետ ճեպազրույցում այս հայտարարությունն արեց ՀՀ արդարադատության նախարար Գրիգոր Մինասյանը։
Նշենք, որ հունիսի 20-ին ԶԼՄ–ներում լուրեր տարածվեցին, թե Ազգային անվտանգության ծառայությունում Անդրեասյանի դեմ լիազորությունների չարաշահման հոդվածով քրեական գործ է հարուցված Վերաքննիչ քրեական դատարանում «ստվերային նախագահ» ընտրելու դեպքի առթիվ։ Լրատվամիջոցները գրում էին նաև, թե ԲԴԽ նախագահին անգամ կարող են կալանավորել։
«ԶԼՄ–ի հայտարարությունները բամբասանքներ են, ոչ ավելին։ Նույնիսկ ընթացակարգերը չգիտեն, թե որոնք ենք ԲԴԽ անդամի հետ կապված կարգավորումները։
Ուղղակի պաշտպանվող կողմը, իմ խորին համոզմամբ, բոլոր ձևերով փորձում է այս ակնհայտ կարգապահական գործի հետ կապված ինչ–որ մեկնաբանություններ անել։ Նորմալ է, իրենք էլ իրենց պաշտպանողական ստրատեգիայի շրջանակում են գործում»,- նշեց Մինասյանը։
Մանրամասները՝ տեսանյութում։
