Քաղաքականություն
21.06.2023 | 18:54
Մոսկվան կոչ է արել Բաքվին Ղարաբաղի բնակչությանը չդարձնել Երևանի հետ տարաձայնությունների պատանդ: Այս մասին իր ամենշաբաթյա ճեպազրույցում ասել է ՌԴ ԱԳՆ պաշտոնական ներկայացուցիչ Մարիա Զախարովան՝ կոչով դիմելով նաև ՀՀ-ին։
«Մենք կոչ ենք անում Երևանին չհրաժարվել եռակողմ ձևաչափով աշխատանքից: Նրանց գործունեության դադարը վնասակար է անդրադառնում տարածաշրջանում իրավիճակի վրա և հանգեցնում է իրավիճակի սրման տեղում: Մենք կոչ ենք անում Բաքվին քայլեր ձեռնարկել մարդասիրական նպատակներով ամբողջությամբ ապաշրջափակել միջանցքը և Ղարաբաղի բնակչությանը չդարձնել Երևանի հետ քաղաքական տարաձայնությունների պատանդ»,- ասել է Զախարովան։
Նրա խոսքով՝ Մոսկվան շարունակում է աշխատել ռուսական խաղաղապահ զորախմբի միջոցով և այլ ուղիներով՝ Լաչինի միջանցքն ամբողջությամբ ապաշրջափակելու համար։
