24.11.2024 | 21:56
Միակն ու անկրկնելին. ՀՀ-ում Ֆրանսիայի դեսպանի արձագանքը՝ Ադրբեջանի տարածքային պահանջներին
ԵՄ-ն համաձայնեցրել է ՌԴ-ի դեմ պատժամիջոցների 11-րդ փաթեթը
Քաղաքականություն
21.06.2023 | 20:09
ԵՄ դեսպանները համաձայնության են եկել Ռուսաստանի դեմ պատժամիջոցների 11-րդ փաթեթի շուրջ՝ Ուկրաինա լայնամասշտաբ ներխուժման համար։ DW-ի ռուսական ծառայության փոխանցմամբ՝ այս մասին հայտնել են Շվեդիայի ներկայացուցիչները։
Եվրահանձնաժողովի ղեկավար Ուրսուլա ֆոն դեր Լեյենը ողջունել է որոշումը՝ նշելով, որ պատժամիջոցների նոր փաթեթը «հերթական հարվածը կհասցնի Վլադիմիր Պուտինի ռազմական մեքենային»։ Նա ասել է, որ այդ միջոցառումների շրջանակում ԵՄ երկրները կխստացնեն արտահանման սահմանափակումները այն ընկերությունների համար, որոնք աջակցում են Կրեմլին։
«Պատժամիջոցների շրջանցման դեմ մեր գործիքը թույլ չի տա Ռուսաստանին ստանալ պատժամիջոցների տակ գտնվող ապրանքներ»,- ասել է ֆոն դեր Լեյենը։
Ավելի վաղ հաղորդվում էր, որ նոր փաթեթի շրջանակում նախատեսվում է սահմանափակումներ մտցնել տարբեր երկրների տասնյակ ընկերությունների դեմ, որոնք օգնում են Մոսկվային՝ շրջանցել պատժամիջոցները։
Էմմա Չոբանյան
