04.11.2024 | 22:30
Հայաստանի մի շարք հասցեներում էլեկտրաէներգիայի անջատումներ կլինեն
ԵՄ առաքելությունը Հայաստանում նոր աշխատակիցներ է հավաքագրում
Քաղաքականություն
21.06.2023 | 18:02
ԵՄ առաքելությունը Հայաստանում նոր աշխատակիցների ընդունելություն է հայտարարել։ «Արևելյան գործընկերության» կայքէջում հայտարարություն է հրապարակվել, որում նշվում է 23 նոր աշխատակիցների հավաքագրման մասին: Հայտարարության մեջ ասվում է, որ պայմանագրերը հաշվարկվելու են մինչև 2025 թվականի փետրվար ամիսը Եղեգնաձորում, Ջերմուկում, Մարտունիում, Գորիսում, Իջևանում և Կապանում։
«Հայաստանում Եվրոպական միության առաքելությունը (EUMA) առաջարկում է 23 պաշտոն՝ առաքելության գրասենյակի ղեկավարի, աշխատակազմի գրասենյակի ղեկավարի, անվտանգության և խնամքի պարտականությունների և առաքելության աջակցության բաժնի աշխատակիցների»,-ասված է հայտարարության մեջ:
Դրանում նշվում է, որ առաքելության թիմին միանալու համար դիմումների ընդունման վերջնաժամկետը հուլիսի 10-ն է, սակայն կազմակերպությունը կոչ է անում շահագրգիռ դիմորդներին հնարավորինս շուտ դիմել աշխատանքի համար:
Հիշեցնենք, որ ՀՀ-ում ԵՄ առաքելությունը մոնիտորինգ է իրականացնում հայ-ադրբեջանական սահմանի երկայնքով։
