Քաղաքականություն
21.06.2023 | 15:05
Ադրբեջանը և Մեծ Բրիտանիան Լոնդոնում ռազմավարական երկխոսության հանդիպում են անցկացրել՝ քննարկելով երկկողմ օրակարգի հարցեր և տարածաշրջանային անվտանգության իրավիճակը։ Այս մասին հայտնում է Ադրբեջանի ԱԳՆ-ն։
«Կողմերը համակողմանի քննարկել են երկկողմ օրակարգի հարցերի լայն շրջանակ և տարածաշրջանային անվտանգության ոլորտում տիրող իրավիճակը»,- ասվում է ԱԳՆ հաղորդագրության մեջ։
Նշվում է, որ ռազմավարական երկխոսության նիստին մասնակցել են Ադրբեջանի ԱԳ նախարար Ջեյհուն Բայրամովն ու Մեծ Բրիտանիայի Եվրոպայի հարցերով պետնախարար Լեո Դոքերթին։
Հանդիպումից հետո Դոքերթին թվիթերյան իր էջում գրել է, որ «Մեծ Բրիտանիան և Ադրբեջանը միասին պայքարում են գլոբալ սպառնալիքների դեմ», և անվտանգության, առևտրի և մշակույթի ոլորտներում ավելի սերտ համագործակցության հույս հայտնել։
Էմմա Չոբանյան
