03.04.2026 | 17:25
Զելենսկին ամերիկյան պատվիրակությանը հրավիրել է Կիև՝ բանակցությունների և խնդրել ՌԴ-ին փոխանցել Զատկի հրադադարի առաջարկ
Հուլիսի 5-ի ժամը 18.00-ից սկսած որոշ փողոցներ կփակվեն
05.07.2017 | 16:00
ՀՀ սահմանդրության և ՀՀ պետական խորհրդանշանների օրվա կապակցությամբ նախատեսված են մի շարք տոնական միջոցառումներ։
19.30-ին կմեկնարկի քայլերթ Ազատության հրապարակից, որը կանցնի Մաշտոցի պողոտայով, Ամիրյան փողոցով, Հանրապետության հրապարակով (Հանրապետության հրապարակում՝ գորգի կենտրոնում, կպարզվի 12մ. x 70մ. չափսերով եռագույն դրոշ) Աբովյան փողոցով, Պուշկին փողոցով, Հյուսիսային պողոտայով կվերադառնա Ազատության հրապարակ։ Մինչ քայլերթի մեկնարկը Ազատության հրապարակից ժամը 18:00-18:30 սահմաններում օդ կբարձրանա եռագույն օդապարիկ: 18:30-19:00 Ազատության հրապարակում ելույթներով հանդես կգան ՀՀ ԶՈւ ԳՇ, ԱԻՆ և Ոստիկանության նվագախմբերը և պատվո պահակային վաշտերը, ՀԲԸՄ Հայաստանի սկաուտական փողերախումբը, «Երևանյան թմբուկներ» թմբկահարների խումբը և «Վահագն» դհոլահարների խումբը: 19:00-19:25 Ազատության հրապարակում պարային խմբերը կներկայացնեն ազգագրական պարային համարներ։
Հուլիսի 5-ին, ժամը 18.00-ից սկսած կփակվեն՝ Մաշտոցի պողոտան, Ամիրյան, Պուշկին, Աբովյան փողոցները, ինչպես նաև՝ Հանրապետության հրապարակ, Ազատության հրապարակ տանող ճանապարհները:
