24.02.2026 | 15:16
Դատարանը մերժել է Հյուսիս-հարավ ճանապարհի՝ Երևանով անցնող հատվածի հողամասի սեփականատիրոջ հայցը
ՌԴ ԱԳՆ-ն՝ Սերգեյ Լավրովի և Թուրքիայի նորանշանակ ԱԳ նախարարի հանդիպման մասին
Քաղաքականություն
19.06.2023 | 22:44
ՌԴ ԱԳ նախարար Սերգեյ Լավրովի և Թուրքիայի նորանշանակ ԱԳ նախարար Հաքան Ֆիդանի հանդիպում տեսանելի ապագայում հնարավոր է, սակայն դեռևս հստակ ժամկետներ չկան։ Այս մասին հայտարարել է ՌԴ ԱԳ փոխնախարար Ալեքսանդր Գրուշկոն, գրում է Ինտերֆաքսը։
«Առայժմ նախարարների հանդիպման կոնկրետ ծրագրեր չկան, սակայն պայմանավորվածություն է ձեռք բերվել պահպանել ոչ միայն քաղաքական շփումների, այլև, ընդհանուր առմամբ, երկկողմ հարաբերությունների դինամիկան: Կարծում եմ, որ տեսանելի ապագայում նման շփում տեղի կունենա առանց ավելորդ ձգձգումների»,- ասել է նա։
Հիշեցնենք, որ Ռեջեփ Թայիփ Էրդողանը Թուրքիայի նախագահի պաշտոնում վեընտրվելուց հետո հետախուզական ծառայության պետ Հաքան Ֆիդանին նշանակեց ԱԳ նախարար։
Լավրովի և Ֆիդանի առաջին հեռախոսազրույցը տեղի է ունեցել հունիսի 9-ին, որի ընթացքում ՌԴ ԱԳ նախարարը հաստատել է կառուցողական փոխգործակցությունը շարունակելու իր պատրաստակամությունը։
Էմմա Չոբանյան
