24.11.2024 | 21:56
Միակն ու անկրկնելին. ՀՀ-ում Ֆրանսիայի դեսպանի արձագանքը՝ Ադրբեջանի տարածքային պահանջներին
Ուկրաինան հայտարարել է երկու շաբաթում 8 բնակավայրի ազատագրման մասին
Քաղաքականություն
19.06.2023 | 13:57
Ուկրաինայի պաշտպանության փոխնախարար Աննա Մալյարը հայտնել է, որ Բերդյանսկի և Մելիտոպոլի ուղղություններով երկու շաբաթվա հարձակողական գործողությունների ընթացքում ազատագրվել է ութ բնակավայր՝ Նովոդարովկան, Լևադնոյեն, Ստորոժևոն, Մակարովկան, Բլագոդատնոյեն, Լոբկովոյեն, Նեսկուչնոյեն, Պյատիխատկին, փոխանցում է BBC-ի ռուսական ծառայությունը։
Նախօրեին ռուսական աղբյուրները խոստովանել են Զապորոժիեի հարավում գտնվող Պյատիխատկի գյուղի կորուստը, այս մասին, մասնավորապես, հայտարարել է Ռուսաստանի կողմից նշանակված Զապորոժիեի շրջանի օկուպացված հատվածի ղեկավար Վլադիմիր Ռոգովը։
Միաժամանակ, ՌԴ Պաշտպանության նախարարությունը կիրակի առավոտյան հայտարարել է ուկրաինական զորքերի՝ Պյատիխատկին գրոհելու փորձը հետ է մղվել։
Մալյարի խոսքով, ընդհանուր առմամբ, Տաուրիդի ուղղությամբ ուկրաինացի զինվորականներն առաջ են շարժվել մինչև 7 կմ, իսկ հարավում ազատագրված տարածքը կազմում է 113 քառ․կմ։
Տաթև Ֆռանգյան
