23 մլն դրամանոց ժամացույց, 32 անշարժ գույք․ ինչ է հայտարարագրել Խաչատուր Սուքիասյանը․ ՏԵՍԱՆՅՈՒԹ

Լուրեր

16.11.2026 | 09:45
Փաշինյանն ու Կամբոջայի վարչապետը քննարկել են առևտրատնտեսական համագործակցության ընդլայնման հնարավորությունները
16.11.2026 | 09:38
Վահան Բիչախչյանը «Լեգիայի» կազմում գոլ է խփել երկրորդ խաղում անընդմեջ. ՏԵՍԱՆՅՈՒԹ
16.11.2026 | 09:30
Երևանի քաղաքապետարանի գործակարգավարական խորհրդակցությունը. ՈՒՂԻՂ
15.11.2026 | 22:05
Եղիշե Մելիքյանն ամփոփել է Ազգերի լիգայի վերջին խաղը. ՏԵՍԱՆՅՈՒԹ
15.11.2026 | 21:49
Փաշինյանը Կամբոջայում մասնակցել է Ֆրանկոֆոնիայի գագաթնաժողովի մասնակիցների պատվին տրված ընթրիքին
15.11.2026 | 20:27
Էստոնիան դեկտեմբերի 1-ից կփակի Ռուսաստանի հետ սահմանային բոլոր անցակետերը
15.11.2026 | 20:00
Թանկ շենքեր, էժանագին կառավարում․ ո՞ւր են գնում բնակիչների փողերը․ ՏԵՍԱՆՅՈւԹ
15.11.2026 | 19:53
Ազգերի լիգա. Հայաստանի հավաքականը ոչ-ոքիով ավարտեց պայքարը
15.11.2026 | 19:45
Nvidia-ի նախկին ղեկավար Ջենսեն Հուանգը սկանդալի հետևանքով կորցրել է 62 միլիարդ դոլար
15.11.2026 | 19:16
Փաշինյանը Կամբոջայում այցելել է Ֆրանկոֆոնիայի ավանում բացված Հայաստանի տաղավար
15.11.2026 | 18:56
Սևանում սիգի որսի արգելքի խախտման համար նախատեսված է վարչական և քրեական պատասխանատվություն
15.11.2026 | 17:56
Փաշինյանը Ֆրանկոֆոնիայի գագաթնաժողովում խոսել է հայ-ադրբեջանական խաղաղության գործընթացից
15.11.2026 | 17:19
Փաշինյանն ու Մոլդովայի վարչապետը քննարկել են Երևան-Քիշնև ուղիղ ավիաչվերթների կազմակերպման հարցը
15.11.2026 | 17:03
Էդգար Սևիկյանը լքել է Հայաստանի հավաքականի ճամբարը և հանդիպման է մասնակցում «Սուետայի» կազմում
15.11.2026 | 16:47
Ազգերի լիգա. Հայաստանի հավաքականի մեկնարկային կազմը Լատվիայի դեմ խաղում
Բոլորը

Ազգային ժողովի «Քաղաքացիական պայմանագիր» խմբակցության պատգամավոր Խաչատուր Սուքիասյանը հայտարարագրել է 32 միավոր անշարժ գույք՝ հիմնականում Երևանի Կենտրոն վարչական շրջանում։ Այս անշարժ գույքերից 14-ը հողամաս է (մակերեսը փակ տվյալ է), որոնցից 1-ը Կոտայքի մարզի Բյուրեղավան համայնքում է, որտեղ Սուքիասյանը նաև այգետնակ ունի (ձեռք է բերել 2010 թ-ին), իսկ մնացածը Երևանի Կենտրոնում են (ձեռք է բերել 1996-2015 թթ-ին)։ Անշարժ գույքերից 11-ը հասարակական նշանակության շինություններ են, 1-ը բնակարան է, իսկ 2-ը՝ բազմաբնակարան շենքեր, ևս 2 շինություններ դեռևս չեն ստացել իրավունքների պետական գրանցում, թեև դրանք Սուքիասյանը ժառանգություն է ստացել 2011 թ-ին։

Անցած տարի օգոստոս-սեպտեմբեր ամիսներին Խ․ Սուքիասյանը վաճառել է Կենտրոնում գտնվող իր հողամասերից 4-ը և դրանց վրա առկա հասարակական նշանակության շինությունները՝ ընդհանուր 1 մլրդ 793․9 մլն դրամով։

Կոռուպցիայի կանխարգելման հանձնաժողովին ներկայացրած 2022 թ-ի գույքի, եկամուտների, ծախսերի և շահերի հայտարարագրի համաձայն՝ Սուքիասյանն ավտոմեքենա չունի:

Նա արժեթղթեր ունի 12 ընկերություններում՝ «Ինլոբբի» ՍՊԸ (2010 թ․, 90%), «Հայաստանի էկոնոմիկայի զարգացման բանկ» ԲԲԸ (1997 թ., Սուքիասյանների ընտանիքին պատկանող «Հայէկոնոմբանկն» է), «Սիլ Ինշուրանս» ԱՓԲԸ (2008թ․), «Բջնի գրուպ» ՍՊԸ (2004թ․), «Երևանի Ալրաղաց» ԲԲԸ (2007 թ.), «Երևանի Պոլիպլաստ գործարան» ՀՁ ԲԲԸ (1995 թ.), «Սիլ կոնցեռն» ՍՊԸ (1996 թ.), «Նարեկ» ՍՊԸ (1995 թ.), «Առաջ» ՍՊԸ (2011 թ.), «Երևանի ԶՈՎՔ գործարան» ՀՁ ԲԲԸ (1996 թ.), «Գլոբալ Մայնինգ» ՍՊԸ (2020 թ․ սեպտեմբերի 28)։

Պատգամավորն իր ընկերությունները հավատարմագրային կառավարման է հանձնել մինչև 2026 թ-ը։

Անցած տարի Խ․ Սուքիասյանը 550 մլն դրամ պարտք է տվել Ռոբերտ Ալբերտի Սուքիասյանին, իսկ «Երևանի Պոլիպլաստ գործարանից» ետ է ստացել տրված 29․8 մլն դրամ փոխառությունը։

Պատգամավորը հայտարարագրել է 4 մլն դրամը գերազանցող արժեքով 19 միավոր գույք՝ ընդհանուր 177․5 մլն դրամ արժեքով։ Դրանցից 1-ը՝ ձեռքի ժամացույցը, գնել է 2021 թ-ին՝ 23 մլն դրամով, իսկ մնացածը 1995-1998 թթ-ին ժառանգություն է ստացել, այդ թվում՝ 5 գորգ, յուրաքանչյուրը՝ 5 մլն դրամ, 11 արվեստի գործ՝ նվազագույնը 5 և առավելագույնը 30 մլն դրամ արժեքով, 2 կահույք 7 մլն և 12 մլն դրամ արժեքով։

Սուքիասյանը տարեվերջին բանկում ունեցել է 269 հազար ռուբլի և 16․3 մլն դրամ, կանխիկ՝ 6 մլրդ դրամ, 1․95 մլն դոլար և 185 հազար եվրո։

Պատգամավորի տարվա եկամուտը կազմել է 2 մլրդ 116․99 մլն դրամ, որից շահաբաժիններ՝ «Հայէկոնոմբանկ»-ից՝ 75․5 մլն և 199․5 մլն դրամ,«Սիլ Կոնցեռն» ՍՊԸ-ից՝ 656 հազար դրամ, «Նարեկ» ՍՊԸ-ից՝ 52․5 մլն դրամ, գույքի վաճառքից՝ 1․79 մլրդ դրամ, Ազգային ժողովից աշխատավարձ՝ 8․4 մլն դրամ, և վարձակալության տրված գույքի դիմաց նա ստացել է «Սիլ Մաազա» ՍՊԸ-ից 1․5 մլն դրամ, «Մինի Բասկոնիա» ՍՊԸ-ից՝ 1․8 մլն դրամ, «Արարատ Սինդիկատ» ՍՊԸ-ից՝ 24․66 մլն, «Դո Դո սերվիս» ՍՊԸ-ի՝ 2․1 մլն դրամ, «Մալինովկա» ՍՊԸ-ից՝ 405 հազար դրամ, «Սիլ հանքային ջրերի գործարանից»՝ 67 հազար դրամ։

Սուքիասյանն ունի 2 վարկ, որոնց մայր գումարի մնացորդը տարեվերջին եղել է 67․9 մլն դրամ։

Տարվա ընթացքում նա 2 անգամ ծախս է արել հանգստի համար՝ ընդհանուր 77․6 մլն դրամ, նաև 45․8 մլն դրամ ծախսել է անշարժ գույքի վերանորոգման նպատակով։

Պատգամավորը 2022 թ-ին 7 անգամ 8.2 մլն դրամը գերազանցող միանվագ ծախսեր է արել՝ ընդհանուր 979 մլն դրամի։

Գայանե Խաչատրյան