18.12.2025 | 15:36
ԱԱ-2022-ի մրցանակային հիմնադրամը ռեկորդային է լինելու
Հակարիի կամրջի մոտ սադրանքից հետո Ադրբեջանի ՊՆ ղեկավարը ռազմական կոլեգիայի նիստ է հրավիրել
Քաղաքականություն
16.06.2023 | 20:31
Ադրբեջանի պաշտպանության նախարար, գեներալ-գնդապետ Զաքիր Հասանովն այսօր անցկացրել է ռազմական գերատեսչության կոլեգիայի նիստ՝ նվիրված 2023 թվականի առաջին կիսամյակի արդյունքներին, հայտնում էԱդրբեջանի ՊՆ-ն։
Հաղորդվում է, որ նիստին Հասանովն ընդգծել է բանակաշինության ոլորտում բարեփոխումների դրական արդյունքները, մասնավորապես, ադրբեջանական բանակի՝ Թուրքիայի Զինված ուժերի մոդելով զարգացման գործում։
Նշվում է, որ hանդիպման ընթացքում վերլուծվել է օպերատիվ իրավիճակը Հայաստանի հետ սահմանին և Արցախում։ Ըստ Ադրբեջանի ՊՆ-ի՝ Հասանովը հրամայել է կանխել, իբր, «Հայաստանի ԶՈՒ-ի և Արցախի ՊԲ սադրանքները»։
Հատկանշական է, որ այս նիստը հաջորդում է նախօրեին Ադրբեջանի ԶՈՒ-ի հերթական սադրանքին։ Հիշեցնենք՝ հունիսի 15-ին՝ ժամը 08:40-ի սահմաններում, Ադրբեջանի սահմանապահ ծառայության մի խումբ զինծառայողներ Հակարիի կամրջի ուղղությամբ առաջխաղացման փորձ էին կատարել՝ ՀՀ տարածքում դրոշ տեղադրելու նպատակով։ Հայկական կողմի ձեռնարկած միջոցների արդյունքում ադրբեջանցի զինծառայողների առաջխաղացման և ՀՀ տարածքում դրոշ տեղադրելու փորձը կանխվել էր։
Էմմա Չոբանյան
