24.11.2024 | 21:56
Միակն ու անկրկնելին. ՀՀ-ում Ֆրանսիայի դեսպանի արձագանքը՝ Ադրբեջանի տարածքային պահանջներին
Ադրբեջանի հետ խաղաղության պայմանագրի կնքումից հետո կկարողանանք վերականգնել հարաբերությունները Հայաստանի հետ․ Պակիստանի վարչապետ
Քաղաքականություն
15.06.2023 | 15:35
Պաշտոնական այցով Բաքվում գտնվող Պակիստանի վարչապետ Շահբազ Շարիֆն Ադրբեջանի նախագահ Իլհամ Ալիևի հետ բանակցություններից հետո խոսել է Հայաստան-Ադրբեջան բանակցային գործընթացից։
«Ինչպես գիտեք՝ Պակիստանն այն քիչ երկրներից է, որը դիվանագիտական հարաբերություններ չի հաստատում Հայաստանի հետ։ Դա մեր բարոյական պարտքն է։ Եթե Հայաստանի հետ խաղաղության համաձայնագրի ստորագրումից հետո մեզ ուղերձ տաք, մենք կարող ենք այդ հարցը դիտարկել։ Այսինքն՝ մենք լիովին աջակցում ենք Ադրբեջանին նաև այս հարցում»,- հայտարարել է Շարիֆը։
Նա հավելել նշել է, որ պաշտպանության ոլորտում երկու երկրների համագործակցությունն ավելի է զարգանալու։
Ալիևն իր հերթին հայտարարել է, որ քննարկել են համատեղ զորավարժությունների թվի ավելացումը։
«Մենք Պակիստանի վարչապետի հետ քննարկել ենք պաշտպանական արդյունաբերության ոլորտում համագործակցությունը: Քննարկել ենք նաև համատեղ զորավարժությունների թվի ավելացումը, քանի որ դա անհրաժեշտ է»,- նշել է Ալիևը։
Էմմա Չոբանյան
