16.12.2025 | 23:30
Հաագայում 35 երկիր ստորագրել է Ուկրաինային փոխհատուցման համար միջազգային հանձնաժողովի ստեղծման կոնվենցիան
Ուկրաինական բանակը շարունակում է հարձակումը երեք ուղղությամբ․ ISW
Քաղաքականություն
15.06.2023 | 14:29
Ուկրաինական զորքերը նախօրեին շարունակել են հակահարձակման գործողությունները առնվազն երեք ուղղություններով և հասել հաջողությունների։ Այս մասին ասվում է Պատերազմի ուսումնասիրության ամերիկյան ինստիտուտի (ISW) հերթական զեկույցում, գրում է BBC-ի ռուսական ծառայությունը։
Ուկրաինայի պաշտպանության փոխնախարար Աննա Մալյարը հայտարարել է, որ ուկրաինական զորքերը Բախմուտի շրջանում առաջ են շարժվել 200-500 մետր, ևս 300-500 մետր՝ Զապորոժիեի ուղղությամբ։ Ռուսական աղբյուրները հաղորդում են, որ ուկրաինական զորքերը շարունակում են հակահարձակումները Բախմուտի հյուսիսարևմտյան, հյուսիսարևելյան և հարավ-արևմտյան ծայրամասերում։
Ռուսական «ռազմական թղթակիցները» ենթադրում են, որ հորդառատ անձրևը և վատ եղանակը հարավային Ուկրաինայում կարող են դանդաղեցնել ուկրաինական հարձակումների տեմպերը, սակայն Մալյարն ընդգծել է, որ եղանակային պայմանները միշտ չէ, որ ազդում են ուկրաինական հարձակումների վրա:
«Տավրիչեսի ուղղություն» օպերատիվ-մարտավարական խմբի խոսնակ Վալերի Շերշենն էլ ասել է, որ ուկրաինական ուժերը Զապորոժիեի ուղղությամբ առաջնահերթություն են տալիս ռուսական ռադիոէլեկտրոնային համակարգերի հարվածներին։
ISW-ի փորձագետներն ավելի վաղ գնահատել էին, որ ռուսական ռադիոէլեկտրոնային պայքարի միջոցները վճռական դերակատարում են ունեցել ռազմաճակատի այդ հատվածում ուկրաինական հարձակումները բարդացնելու գործում։
Էմմա Չոբանյան
