18.12.2025 | 13:40
Ադրբեջանցի դատախազն առաջարկել է Ռուբեն Վարդանյանին դատապարտել ցմահ ազատազրկման
Ստոլտենբերգը ԱՄՆ-ում հանդիպել է Էնթոնի Բլինքենին ու Ջո Բայդենին և քննարկել Կիևին օգնությունը
Քաղաքականություն
14.06.2023 | 12:27
ԱՄՆ պետքարտուղար Էնթոնի Բլինքենը Վաշինգտոնում հանդիպել է ՆԱՏՕ-ի գլխավոր քարտուղար Յենս Ստոլտենբերգի հետ, գրում է DW-ի ռուսական ծառայությունը։ ԱՄՆ Պետդեպի խոսնակ Մեթյու Միլլերը հայտնել է, որ կողմերը քննարկել են հուլիսի 11-12-ը Վիլնյուսում կայանալիք գագաթնաժողովի առաջնահերթությունները, այդ թվում՝ Ուկրաինային հետագա աջակցությունը, դաշինքի զսպման և պաշտպանական մեխանիզմների ամրապնդումը, Շվեդիայի՝ ՆԱՏՕ-ին անդամության հավատարմությունը։ Բլինքենն առաջարկել է Վիլնյուսում Կիևին տրամադրել «քաղաքական և գործնական աջակցության ուժեղ փաթեթ»։
Վաշինգտոնը հայտարարել է Ուկրաինային 325 մլն դոլարի ռազմական օգնության փաթեթի մասին, որը ենթադրում է Կիևին ամերիկյան զենքի ու տեխնիկայի փոխանցում։ Բլինքենը նշել է, որ խոսքը կարևոր ՀՕՊ համակարգերի, բարձր շարժունակ հրթիռային համակարգերի, հրետանային արկերի, հակատանկային զենքերի, զրահատեխնիկայի և այլ սարքավորումների մասին է։
Ստոլտենբերգն էլ իր հերթին ասել է, որ Ուկրաինան հաջողություններ ունի հարձակման մեջ։
«Մենք բոլորս գիտենք, որ ինչքան շատ տարածք ուկրաինացիները կարողանան ազատագրել, այնքան ուժեղ կլինի նրանց դիրքորոշումը բանակցությունների սեղանին»,-ասել է ՆԱՏՕ-ի գլխավոր քարտուղարը։ Ըստ նրա՝ ուժեղ բանակցային դիրքը ավելի հավանական է դարձնում, որ Ռուսաստանի նախագահ Վլադիմիր Պուտինը գիտակցի «որ երբեք չի հաղթի այս ճակատամարտում»։
Այնուհետև Ստոլտենբերգը Սպիտակ տանը հանդիպել է ԱՄՆ նախագահ Ջո Բայդենի հետ։ Այստեղ նա հայտարարել է, որ խոսքը ոչ միայն «Ուկրաինայի վրա հարձակման, այլև ամբողջ աշխարհում ազատ մարդկանց ու արժեքների մասին է»։
«Նախագահ Պուտինը չպետք է հաղթի այս պատերազմում, քանի որ դա ոչ միայն ողբերգություն կդառնա ուկրաինացիների համար, այլև աշխարհն ավելի վտանգավոր կդարձնի»,-նշել է ՆԱՏՕ-ի գլխավոր քարտուղարը։ Նրա խոսքով՝ նման սցենարը ավտորիտար ղեկավարների համար ազդանշան կլինի աշխարհում, այդ թվում՝ Չինաստանում, որ ռազմական ուժի օգտագործումը թույլ կտա ստանալ այն, ինչ ուզում են։
