23.11.2024 | 00:35
Թրամփի հետ հեռախոսազրույցը տեղեկատվական էր, բայց նաև շատ պոզիտիվ. Փաշինյան. ՏԵՍԱՆՅՈՒԹ
ՀՀ-ում ԵՄ առաքելությունը խաղաղության գործընթացի մաս է․ Ադրբեջանը թույլ չի տալիս, որ առաքելություն լինի սահմանի իր կողմում․ Բորել
Քաղաքականություն
13.06.2023 | 18:15
Եվրախորհրդարանում Հայաստանի և Ադրբեջանի հարաբերություններ, ինչպես նաև Արցախում և Լաչինի միջանցքում իրավիճակի վերաբերյալ քննարկում է մեկնարկել։ Պատգամավորների հարցերին պատասխանում է ԵՄ արտաքին հարաբերությունների և անվտանգության քաղաքականության բարձր ներկայացուցիչ Ժոզեպ Բորելը։
Անդրադառնալով Հայաստանում տեղակայված ԵՄ քաղաքացիական առաքելությանը՝ Բորելը կարևորել է դրա դերակատարումը խաղաղության ապահովման գործընթացում։
«Առաքելությունը, որը տեղակայված է սահմանի Հայաստանի կողմում, երկու երկրների միջև խաղաղության գործընթացում առաջընթաց ապահովելու ջանքերի կարևոր մասն է։ Բայց այն բացառապես քաղաքացիական առաքելություն է, և անձնակազմի բոլոր անդամները, այդ թվում՝ հրամանատարը, քաղաքացիական անձինք են»,- ասել է Բորելը։
Նա նշել է, որ առաքելության կազմում ընդգրկված է 100 մարդ։ Ըստ Բորելի՝ առաքելությունը նպաստում է «Եվրոպական խորհրդի նախագահ Շառլ Միշելի կողմից հարաբերություննեւրի կարգավորման գործընթացում ԵՄ-ի ջանքերին»։
«Հայաստանում ԵՄ առաքելությունը խաղաղության գործընթացի մասն է, սահմանափակված քաղաքացիական բնույթով։ Այն կարող է ակտիվ լինել սահմանի հայկական կողմում։ Ադրբեջանը թույլ չի տալիս, որ առաքելություն լինի սահմանի իր կողմում»,- հայտարարել է Բորելը։
Քննարկման ուղիղ հեռարձակմանը կարող եք հետևել այստեղ։
