25.07.2026 | 15:15
Աթլետիկայի Ռուսաստանի առաջնությունը դադարեցվել է անօդաչու թռչող սարքի հարձակման պատճառով
Անկարայում ՆԱՏՕ-ին Շվեդիայի անդամակցության հարցով հանդիպում տեղի կունենա
Քաղաքականություն
13.06.2023 | 21:25
Վաղը՝ հունիսի 14-ին Անկարայում տեղի կունենա ՆԱՏՕ-ի, Ֆինլանդիայի և Շվեդիայի ներկայացուցիչների հանդիպումը՝ դաշինքին Ստոկհոլմի անդամակցության պայմանների կատարման հարցերով։ Այս մասին ասվում է Թուրքիայի նախագահականի հայտարարության մեջ, գրում է Անադոլու գործակալությունը։
Նախագահական համալիրում տեղի կունենա մշտական համատեղ մեխանիզմի չորրորդ հանդիպումը, որին կմասնակցեն Թուրքիայի, Ֆինլանդիայի, Շվեդիայի և ՆԱՏՕ-ի պատվիրակությունները։ Խորհրդակցությունները կազմակերպել է Թուրքիայի նախագահի գլխավոր խորհրդական Աքիֆ Չաղաթայ Քըլըչը։
ՆԱՏՕ-ի պատվիրակությունը ղեկավարելու է դաշինքի գլխավոր քարտուղարի աշխատակազմի ղեկավար Սթիան Յենսենը։ Հանդիպմանը մասնակցելու են Շվեդիայի փոխարտգործնախարար Յան Կնուտսոնը և Ֆինլանդիայի փոխարտգործնախարար Յուկկա Սալովաարան։
Հիշեցնենք, որ Թուրքիան Ֆինլանդիայի՝ ՆԱՏՕ-ին անդամակցության հայտը վավերացրել է, իսկ Շվեդիայինը՝ ոչ։
Էմմա Չոբանյան
