Դատավճիռ՝ 3 շաբաթում․ Գայանե Հակոբյանը մեղավոր ճանաչվեց, բայց ազատ արձակվեց․ ՏԵՍԱՆՅՈՒԹ

Քաղաքականություն

09.06.2023 | 20:49

Լուրեր

16.11.2024 | 12:12

Երևանը հեռանում է ՀԱՊԿ-ի աշխատանքային բոլոր ձևաչափերից․ ՌԴ ԱԳՆ

16.11.2024 | 11:55

Արտարժույթների փոխարժեքները՝ նոյեմբերի 16-ի դրությամբ

16.11.2024 | 11:33

Նավթի գները նվազել են

16.11.2024 | 11:07

Զիջի՛ր ճանապարհը․ րոպեն կարող է կյանք արժենալ․ ՆԳՆ իրազեկման արշավ է կազմակերպել

16.11.2024 | 10:35

Հրդեհ Ձորագյուղում

16.11.2024 | 10:18

ՀՀ տարածքում ավտոճանապարհներն անցանելի են

15.11.2024 | 23:30

Թուրքիայի նախագահականը հերքում է Էրդողանի և նրա դաշնակից Բահչելիի միջև տարաձայնությունները քրդական հարցի շուրջ

15.11.2024 | 23:17

Նոյոմբերի 18-ին Հայաստանի մի շարք հասցեներում էլեկտրաէներգիայի անջատումներ կլինեն

15.11.2024 | 22:57

COP-ի համար Բաքվում նավթարդյունահանման տարածքները թաքցրել են պատերի հետևում, մինչդեռ մարդիկ բնակվում են մազութով ծածկված խոնավ տներում

15.11.2024 | 22:44

ՄԻԵԴ-ը Թուրքային պարտավորեցրել է միլիոնավոր եվրոների փոխհատուցում վճարել հեղաշրջման փորձից հետո ապօրինի ձերբակալվածներին

15.11.2024 | 22:41

ԵՆԲ Գլոբալը 236 միլիոն եվրոյի վարկային համաձայնագիր է ստորագրել ՀՀ-ի հետ՝ Սիսիան-Քաջարան ճանապարհահատվածի շինարարությունը ֆինանսավորելու համար

15.11.2024 | 22:29

Հրդեհ Նորաշեն գյուղում. այրվել են երկու տների տանիքներ

15.11.2024 | 22:14

Ֆրանսիայում ավարտվում է Ուկրաինայի զինված ուժերի բրիգադի ուսուցումը

15.11.2024 | 21:59

Երևանում ավտոմեքենա է այրվել

15.11.2024 | 21:45

Բրիտանիայի խորհրդարանում Ադրբեջանում բռնաճնշումների և քաղբանտարկյալների խնդիրն է քննարկվել

Բոլորը

Աշոտ Փաշինյանի գործով մեղադրյալ Գայանե Հակոբյանն այսօր դատարանի դահլիճից ազատ արձակվեց։ Թեև Երևանի ընդհանուր իրավասության դատարանը զոհված զինծառայող Ժորա Մարտիրոսյանի մորը մեղավոր ճանաչեց ու դատապարտեց 4 տարի ազատազրկման, պատիժը պայմանականորեն չկիրառեց՝ սահմանելով 1 տարի փորձաշրջան։

Հակոբյանի գործով հերթական դատական նիստի ընթացքում այսօր նրա պաշտպանները պատրաստվում էին բացարկի միջնորդություն ներկայացնել դատավոր Մանվել Շահվերդյանին, սակայն գործով շրջադարձային փոփոխություն տեղի ունեցավ։ Պարզվեց՝ Գայանե Հակոբյանն ընդունել է մեղքն ու արագացված դատաքննություն պահանջել, դատավոր Շահվերդյանն էլ նիստը դռնփակ անցկացնելու որոշում է կայացրել։

Դռնփակ նիստի մեկնարկից շուրջ մեկ ժամ անց պաշտպանները դուրս եկան նիստերի դահլիճից ու հայտնեցին, որ այլևս իրենք չեն ներկայացնելու Գայանե Հակոբյանի շահերը։

Գայանե Հակոբյանի մեղադրանքի համաձայն՝ վերջինն առևանգել է վարչապետի որդուն։ Հակոբյանը, փաստորեն, համաձայն է մեղադրանքի հետ, իսկ նրա պաշտպանները պնդում են, որ նրա արարքում հանցակազմ չկա։

Պաշտպանների դուրս գալուց հետո նիստն ընդմիջվեց։ Դատարանը Գայանե Հակոբյանին պաշտպանով ապահովելու համար դիմեց հանրային պաշտպանի գրասենյակին, որտեղից մեղադրյալի շահերը պաշտպանելու համար դատարան ներկայացավ հանրային պաշտպան Սիրանուշ Հարությունյանը։ Շուրջ մեկ ժամ անց արդեն դատավորը հրապարակեց դատավճիռը։

Այս գործով վարչապետի որդին տուժողի կարգավիճակ ունի, գործի նման հանգուցալուծումը նրա համար տրամաբանական էր։ Նա նշում է, որ իրավապահ համակարգի աշխատանքն է պաշտպանելը քաղաքացիների, այդ թվում՝ իր շահերը։

Քրեական դատավարության օրենսգրքի համաձայն՝ արագացված վարույթ չի կարող կիրառվել, եթե մեղադրյալը չունի պաշտպան կամ միջնորդությունը ներկայացրել է առանց պաշտպանի հետ խորհրդակցելու։ Հարց է առաջանում՝ հասցրե՞լ էր գործում նոր ներգրավված պաշտպան Սիրանուշ Հարությունյանը ծանոթանալ գործի նյութերին ու իրավական խորհրդակցություն տրամադրել Գայանե Հակոբյանին։ Պաշտպանը պնդում է՝ ինքը պատշաճ կերպով ծանոթացել է գործի նյութերին ու արագացված դատաքննության առանձնահատկությունները բացատրել իր պաշտպանյալին։

Աշոտ Փաշինյանի ու Գայանե Հակոբյանի միջև միջադեպի քննությունն ընդհանուր առմամբ տևեց երեք շաբաթ։ Ճիշտ այդքան Գայանե Հակոբյանը մնաց անազատության մեջ։

Վաղը՝ հունիսի 10-ին, Գայանե Հակոբյանի որդու՝ զոհված զինծառայող Ժորա Մարտիրոսյանի ծննդյան օրն է։ Մայրը վերջին տարիներին այդ օրը «Եռաբլուր»-ում է անցկացնում։

Մանրամասները՝ տեսանյութում։

Արաքս Մամուլյան