25.07.2026 | 13:49
Թրամփը հասկացել է՝ Ռուսաստանը չի ցանկանում ավարտել պատերազմը, իսկ Ուկրաինան խաղաղություն է ուզում․ Զելենսկի
Վորոնեժում պայթուցիկով անօդաչուն մխրճվել է բնակելի շենքի մեջ․ վիրավորներ կան
Քաղաքականություն
09.06.2023 | 14:00
Վորոնեժում բազմաբնակարան շենքերից մեկի մեջ, նախնական տվյալներով, պայթուցիկ կրող անօդաչու թռչող սարք է մխրճվել։ Վոլոնեժի նահանգապետ Ալեքսանդր Գուսևի փոխանցմամբ՝ ԱԹՍ-ն ընկել է Բելինսկի փողոցում։ Նա նշել է, որ արդյունքում տուժել է երեք մարդ՝ մանրամասներ չհայտնելով, գրում է Meduza-ն։
Քաղաքի բնակիչներն առավոտյան պայթյունի ձայներ են լսել։ Ավելի ուշ համացանցում հայտնվել են վնասված բնակելի շենքի լուսանկարները։
«Раньше всех. Ну почти» տելեգրամյան ալիքը գրում է, որ անօդաչուն խոցվել է, ինչից հետո մխրճվել է շենքի մեջ։ Baza ալիքն էլ իր հերթին տեսանյութ է հրապարակել, որտեղ երևում է, թե ինչպես է անօդաչուն կորցնում բարձրությունը և մխրճվում տան մեջ։
Հիշեցնենք, որ մայիսի 30-ին էլ աօդաչուներով հարձակում էր եղել Մոսկվայի և Մերձմոսկովյան շրջանում։
Էմմա Չոբանյան
