18.12.2025 | 21:39
Երևանում և 9 մարզում էլեկտրաէներգիայի անջատումներ կլինեն
Համագործակցության զարգացումը ԵՏՄ գործընկերների հետ Ադրբեջանի արտաքին քաղաքականության առաջնահերթություններից է․ Ադրբեջանի վարչապետ
Քաղաքականություն
08.06.2023 | 18:16
Ադրբեջանի վարչապետ Ալի Ասադովը հունիսի 8-ին Սոչիում Եվրասիական միջկառավարական խորհրդի ընդլայնված կազմով նիստում ելույթ է ունեցել հյուրի կարգավիճակով։ «Երկկողմ ու բազմակողմ համագործակցության զարգացումը ԵՏՄ մեր գործընկների հետ Ադրբեջանի արտաքին քաղաքականության առաջնահերթություններից է։ Մենք նշում ենք հարաբերություննեի հաստատման 30-ամյակը ԵՏՄ երկրների հետ։ Այդ հարաբերությունները հասել են ռազմավարական գործընեկության բարձր մակարդակի»,-ասել է Ասադովը։
Անդրադառնալով տրանսպորտի ոլորտում գործընկերությանը՝ Ասադովը նշել է, որ համաշխարհային աշխարհաքաղաքական պատկերի կարդինալ փոփոխությունները հանգեցրել են բազմաթիվ երկրների կողմից լոգիստիկ շղթաների և հոսքերի հարկադիր վերակառուցմանը։
«Այս ֆոնին մեծանում է մեր պետությունների տարածքներով անցնող տրանսպորտային և տարանցիկ միջանցքների արդիականությունը»,- ասել է նա՝ հայտարարելով, որ Ադրբեջանը կարևոր օղակ է Արևելք-Արևմուտք, Հյուսիս-Հարավ և Միջին միջանցքի տրանսպորտային ուղիներում։
Ասադովը նշել է, որ «ներդրումներ են անում Ղարաբաղում ճանապարհների և երկաթուղիների լայն ցանցի ստեղծման համար՝ հյուսիսային տրանսպորտային ցանցերը կապելով հարավային և արևելյան ցանցերի հետ»։ Նա ասել է, որ 2025 թ-ին շահագործման կհանձնվի Լաչինում կառուցվող օդանավակայանը։
