16.12.2025 | 20:36
Ստորագրվել է Հայաստանի և Լյուքսեմբուրգի միջև ռազմավարական գործընկերության մասին համատեղ հռչակագիրը
ԱՄՆ Պետդեպը Բաքվին կոչ է անում հարգել սեփական քաղաքացիների իրավունքներն ու ազատ արձակել ընդդիմադիր Բախտիյար Հաջիևին
Քաղաքականություն
08.06.2023 | 16:00
ԱՄՆ Պետքարտուղարությունը հերթական անգամ կոչ է արել Ադրբեջանի իշխանություններին ազատ արձակել ընդդիմադիր ակտիվիստ Բախտիյար Հաջիևին։ Այս մասին ճեպազրույցում հայտարարել է Պետքարտուղության փոխխոսնակ Վեդանտ Պատելը։
«Մենք տեղյակ ենք պարոն Հաջիևի շարունակական հետաքննության մասին, և շարունակում ենք ուշադիր հետևել նրա գործին։ Կոչ ենք անում շուտափույթ ազատ արձակել նրան։ Մենք վճռականորեն հավատարիմ ենք մնում մարդու իրավունքների և հիմնարար ազատությունների նկատմամբ հարգանքի առաջխաղացմանը և կոչ ենք անում կառավարությանը՝ հարգել իր քաղաքացիների իրավունքները, ներառյալ՝ խաղաղ ճանապարհով կարծիք հայտնելու իրավունքը»,- ասել է Պատելը։
Հավելենք, որ նաև իրավապաշտպան Հաջիևը 2022 թվականի դեկտեմբերի 9-ին ձերբակալվել է «խուլիգանության» և «դատարանի նկատմամբ արհամարհանքի» մեղադրանքով։ Նա կտրականապես հերքում է այս պնդումները, նաև որոշ ժամանակ հացադուլ էր հայտարարել։
Այս շաբաթվա սկզբին Ադրբեջանի ոստիկանությունը ներխուժել է Հաջիևի և նրա հարազատների տները՝ որպես «ապացույց» առգրավելով ակտիվիստի լուսանկարը ԱՄՆ նախկին պետքարտուղար Հիլարի Քլինթոնի հետ։
Ավելի վաղ ԱՄՆ Պետքարտուղարությունը, ինչպես նաև մի շարք սենատորներ, այդ թվում՝ հենց Քլինթոնը, կոչ էին արել ազատ արձակել Հաջիևին։
Էմմա Չոբանյան
