25.07.2026 | 13:49
Թրամփը հասկացել է՝ Ռուսաստանը չի ցանկանում ավարտել պատերազմը, իսկ Ուկրաինան խաղաղություն է ուզում․ Զելենսկի
Ադրբեջանն ու Իտալիան ռազմատեխնիկական համագործակցության հարցեր են քննարկել
Քաղաքականություն
08.06.2023 | 13:31
Այցով Իտալիայում գտնվող Ադրբեջանի պաշտպանության փոխնախարար, ռազմատեխնիկական ապահովման գլխավոր վարչության ղեկավար Ագիլ Գուրբանովը հանդիպել է այս երկրի պաշտպանության նախարար Գուիդո Կրոզետտոյի հետ։
«Հանդիպման ընթացքում մտքերի հանգամանալից փոխանակություն է տեղի ունեցել Ադրբեջանի և Իտալիայի միջև ռազմական, ռազմատեխնիկական և ռազմական կրթության ոլորտում համագործակցության զարգացման հեռանկարների, ինչպես նաև փոխադարձ հետաքրքրություն ներկայացնող մի շարք հարցերի շուրջ»,- ասվում է Ադրբեջանի ՊՆ հաղորդագրության մեջ։
Կողմերն ընդգծել են նաև փոխայցելությունների կարևորությունը «երկու երկրների միջև ռազմավարական գործընկերության վրա հիմնված հարաբերությունների զարգացման գործում»։
Իտալական կողմը ևս կարևորել է Ադրբեջանի հետ համագործակցությունը։
«Ադրբեջանը կենտրոնական դեր է խաղում Եվրասիայում։ Մենք վերլուծել ենք էներգետիկայի և պաշտպանության ոլորտում համագործակցության միջոցով մեր երկրների միջև հարաբերությունների հետագա ամրապնդման հնարավորությունները»,- ասել է Կրոզետտոն։
Հավելենք, որ ռազմական ոլորտում Իտալիայի և Ադրբեջանի շփումները պարբերական են։ Ադրբեջանական մամուլում ավելի վաղ նույնիսկ տեղեկություններ էին տարածվել, որ Բաքուն Իտալիայից ռազմաուսումնական M-346 ինքնաթիռներ է ստանալու։
Էմմա Չոբանյան
