27.06.2026 | 16:47
Խնդրում ենք մերժել բոլոր դիմումները և ուժի մեջ թողնել ԿԸՀ 259-Ա որոշումը. Հովակիմյան. ՏԵՍԱՆՅՈւԹ
Դեբետ գյուղի ողբերգական դեպքի առիթով քրեական վարույթ է նախաձեռնվել անզգուշությամբ կյանքից զրկելու հոդվածով
Հասարակություն
07.06.2023 | 17:57
Լոռու մարզի Դեբետ գյուղի գյուղապետարանի մոտ գտնվող խաղահրապարակում երեխայի մահվան դեպքով քրեական վարույթ է նախաձեռնվել Քրեական օրենսգրքի 165-րդ հոդվածի 1-ին մասով՝ անզգուշությամբ մեկ ուրիշին կյանքից զրկելը։
Այս մասին Factor.am-ին հայտնում են Դատախազության հանրային կապերի բաժնից։
Հիշեցնենք, որ հունիսի 6-ին, ժ.17.20-ին ՀՀ ՆԳՆ ոստիկանություն զանգահարած քաղաքացին հայտնել էր, որ Դեբետ գյուղի գյուղապետարանի մոտ աղջիկ երեխա է մահացել:
Մեկնած օպերատիվ խումբը պարզել էր, որ ժամը 17.00-ի սահմաններում 2012 թվականին ծնված աղջիկը Դեբետ գյուղի գյուղապետարանի մոտ գտնվող խաղահրապարակում դիպել է խաղահրապարակը լուսավորող էլեկտրասյան մեջից դուրս եկած հոսանքալարին, էլեկտրահարվել և տեղում մահացել: Հաղորդումը և կից փաստաթղթերն ուղարկվել են ՀՀ քննչական կոմիտեի Լոռու մարզի քննչական վարչություն:
Այս պահին դեպքի հետ կապված այլ մանրամասներ հայտնի չեն, կատարվում է քննություն՝ հանգամանքները պարզելու ուղղությամբ։
Արաքս Մամուլյան
