23.02.2026 | 23:30
Ադրբեջանը նույնպես հետաքրքրություն է հայտնել Եվրոպական խաղաղության գործիքակազմի շրջանակներում օգնություն ստանալու հարցում
Ալեքսեյ Նավալին ևս մեկ դատ է շահել ՄԻԵԴ-ում
Քաղաքականություն
06.06.2023 | 16:25
Բանտարկված ռուս ընդդիմադիր գործիչ Ալեքսեյ Նավալնին Մարդու իրավունքների եվրոպական դատարանում հերթական գործն է շահել։ Մասնավորապես, Ստրասբուրգի դատարանը ՌԴ իշխանություններին մեղավոր է ճանաչել 2020 թվականին Նավալնիի թունավորման գործով քրեական գործ հարուցելուց և պատշաճ հետաքննություն անցկացնելուց հրաժարվելու համար, գրում է DW-ի ռուսական ծառայությունը։
ՄԻԵԴ-ը Ռուսաստանին պարտավորեցրել է Նավալնիին բարոյական վնասի փոխհատուցում վճարել 40 հազար եվրոյի չափով։
Նշվում է, որ ՌԴ-ն խախտել է Մարդու իրավունքների և հիմնարար ազատությունների պաշտպանության մասին եվրոպական կոնվենցիայի 2-րդ հոդվածը, որը պաշտպանում է կյանքի իրավունքը։ Փաստաթղթում ասվում է, որ Նավալնին բողոքել է ՌԴ իշխանությունների՝ իր դեմ սպանության փորձի հետ կապված քրեական գործ հարուցելուց հրաժարվելու և արդյունավետ հետաքննություն չկատարելու վերաբերյալ։
«Նա պնդում է, որ թունավորվել է քիմիական նյութով, որին հասանելիություն են ունեցել միայն պետական անվտանգության ծառայությունները, և բողոքել է, որ Ռուսաստանի իշխանությունները չեն կարողացել արդյունավետ հետաքննություն անցկացնել»,- նշել են դատավորները։
Նրանք որոշել են, որ ՌԴ-ի իրականացրած հետաքննությունն անհասկանալի է և հաշվի չի առել տուժողի՝ դատավարությանը մասնակցելու իրավունքը։
Էմմա Չոբանյան
