26.04.2026 | 21:21
Իրավիճակը Մալիում․ մահացել է պաշտպանության նախարարը, երկրում թեժ մարտեր են
Ռոբերտ Քոչարյանը Հայաստանում չէ․ նրա գրասենյակը ՀՔԾ-ից ծանուցագիր չի ստացել
Քաղաքականություն
03.07.2018 | 19:16
Ինչպես արդեն տեղեկացրել ենք, այսօր Հայաստանի երկրորդ նախագահ Ռոբերտ Քոչարյանը հրավիրվել է ՀՔԾ՝ հարցաքննության «Մարտի 1-ի» գործով։
Լուրը մեզ հետ զրույցում հաստատեց ՀՔԾ պետի մամուլի խոսնակ Մարինա Օհանջանյանը՝ հրաժարվելով այլ մանրամասներ հայտնել։
Արդյոք ՀՀ 2-րդ նախագահ Ռոբերտ Քոչարյանը ստացել է իրեն հասցեագրված ծանուցագիրը, փորձեցինք պարզել պաշտոնաթող նախագահի գրասենյակի ղեկավար Վիկտոր Սողոմոնյանից։
Վերջինս մեզ հետ զրույցում ասաց․ «2-րդ նախագահի գրասենյակը որևէ ծանուցագիր չի ստացել։ Այդ մասին որևէ տեղեկատվություն մենք չունենք։ Այս պահին Ռոբերտ Քոչարյանն անգամ Հայաստանում չէ»։
Նշենք, որ այսօր արդեն հայտնի դարձավ,որ «Մարտի 1-ի» գործով հարցաքննվել է ՀՀ պաշտպանության նախկին նախարար Սեյրան Օհանյանը։
