16.05.2026 | 20:00
ՀՀ ԱԳ փոխնախարարը ԵԽ գլխավոր քարտուղարին է հանձնել «Մարզական մրցումների մեքենայությունների մասին» կոնվենցիայի վավերագիրը
Միրզոյան-Բայրամով բանակցությունների 2-րդ փուլը մեկնարկում է հունիսի 12-ին Վաշինգտոնում․ Փաշինյան
Քաղաքականություն
01.06.2023 | 23:04
Այցով Մոլդովայում գտնվող ՀՀ վարչապետ Նիկոլ Փաշինյանը մոլդովահայ համայնքի ներկայացուցիչների հետ հանդիպմանը տեղեկացրել է Հայաստանի և Ադրբեջանի պաշտոնյաների մասնակցությամբ առաջիկա հանդիպումների մասին։ Մասնավորապես, նա տեղեկացրել է, որ հունիսի 12-ին Վաշինգտոնում տեղի է ունենալու ՀՀ ԱԳ նախարար Արարատ Միրզոյանի և Ադրբեջանի ԱԳ նախարար Ջեյհուն Բայրամովի հանդիպումը։ Մինչ այդ էլ՝ հունիսի 2-ին, Մոսկվայում նախանշված է եռակողմ աշխատանքային խմբի հանդիպումը՝ ՀՀ փոխվարչապետ Մհեր Գրիգորյանի, ՌԴ փոխվարչապետ Ալեքսեյ Օվերչուկի և Ադրբեջանի փոխվարչապետ Շահին Մուստաֆաևի նախագահությամբ։
Հիշեցնենք՝ Մոլդովայի մայրաքաղաք Քիշնևում այսօր տեղի է ունեցել հնգակողմ հանդիպում՝ Հայաստանի և Ադրբեջանի ղեկավարների, ինչպես նաև Ֆրանսիայի նախագահի, Գերմանիայի կանցլերի և ԵՄ Խորհրդի նախագահի մասնակցությամբ։ Հանդիպման արդյունքներով Շառլ Միշելը հայտնել է հուլիսի 21-ին Բրյուսելում Փաշինյանի և Ալիևի հետ ևս մեկ հանդիպում անցկացնելու մասին։
