11.09.2026 | 12:01
Սուրեն Պապիկյանը դիրքեր է այցելել // Ջերմաստիճանը մինչև 8 աստիճանով կբարձրանա․ ԼՈՒՐԵՐ
Ներգաղթյալների հարցում չպետք է տարվել արմատականությամբ. Սերժ Թանկյան
Հասարակություն
05.07.2017 | 12:09
Ներգաղթյալների խնդիրը բարդ է, բայց դրան պետք է սթափ նայել եւ չտարվել արմատականությամբ։ Քանի որ բոլոր արմատական կազմակերպությունների նպատակը հենց դա է՝ արմատականացնել բաց հասարակությունը։ Եվ եթե ներգաղթյալների խնդրի պատճառով նման իրավիճակում ես հայտնվում, նշանակում է նրանք հասել են իրենց նպատակին: Ներգաղթյալների խնդրի շուրջ խոսելիս Lenta-ին տված հարցազրույցում ասել է System Of A Down խմբի մենակատար Սերժ Թանկյանը։
«Ես միգրացիան լավ երեւույթ եմ համարում, իսկ ինչ վերաբերում է առանձին դեպքերին, ապա պետությունը պետք է ստուգի ու գնահատի նրանց, որոնք երկիր են մուտք գործում։ Երկիրը միայն շահում է՝ ընդունելով մարդկանց, որոնք ցանկանում են բնակվել բաց հասարակությունում, որոնք իրենց երեխաների համար լավ ապագա են ցանկանում։ Նրանք այդ երկրի համար լավ պտուղներ են տալիս։ Սակայն պետք է համբերությամբ զինվել՝ այդ պտուղները քաղելու համար, դրանք մեկ գիշերում չեն աճում։ Եվ դրանց թվում միշտ կլինեն փչացածները։ Եվրոպայում ասում են, թե ներգաղթյալները հանցագործություններ են կատարում։ Բայց բնիկները եւս հանցանք են գործում։ ԱՄՆ-ում, որտեղ փախստականներն այնքան էլ շատ չեն, հիմնականում հանցագործություններ են կատարում հենց բնիկները՝ որպես կանոն, հիմարները, որոնք զենքի են տիրապետում։ Հանցագործությունները կատարվում են ատելության, ռասիզմի, վախի կամ մտավոր անկայունության պատճառով»,-նշել է Սերժ Թանկյանը։
