14.12.2025 | 17:25
Իրավիճակը ճանապարհներին՝ 17։15-ի դրությամբ
Պատերազմի հետհաշվարկը տրված է․ մի՛ կերակրեք ժողովրդին, թե Ադրբեջանի հետ պայմանավորվենք, կլինի՝ խաղաղություն․ Արփի Թոփչյան․ ՏԵՍԱՆՅՈՒԹ
Քաղաքականություն
01.06.2023 | 19:32
Ինչպե՞ս է հնարավոր կանխել ԼՂ-ում Ադրբեջանի կողմից էթնիկ զտման, ցեղասպանության սցենարը։ Հանրային գործիչ, «Բերդ» ՀԿ անդամ Արփի Թոփչյանը Factor TV-ին տված հարցազրույցում ասում է, որ այսօր պատերազմի հետհաշվարկը տրված է, և պետք է պատրաստ լինել ռազմական գործողությունների, միաժամանակ՝ բանակցություններում չընդունել Ադրբեջանի նվասատացուցիչ պայմանները և հայտարարել այդ մասին։
«Ադրբեջանի տարածքային ամբողջականության ճանաչումն ագրեսիան չի կանգնեցնում։ Աայդ ճանաչումը փաստաթղթով կամրագրի Ադրբեջանի իրավունքը՝ ռազմական ուժ կիրառել Արցախի նկատմամբ, և նա կանցնի կոշտ քայլերի։ Մի՛ կերակրեք ժողովրդին, որ Թուրքիայի և Ադրբեջանի հետ կպայմանավորվենք, կլինի այդչափ սպասված խաղաղությունը։ Դա միֆ է, պետք է մարդկանց դառը ճշմարտությունն ասել, որ պետությունը վտանգված է, որ հայրենիքը վտանգի առաջ է։ Պատրաստե՛լ երկիրը պատերազմի, քանի որ այն անխուսափելի է։ Ադրբեջանի նվաստացուցիչ պայմանները, որ նա դեմ է տվել ՀՀ-ին, խաղաղություն չեն ապահովելու։ Հակառակը, դրանք լեգիտիմացնելու են Ադրբեջանի՝ մեր դեմ ուժ կիրառելու իրավունքը, ի՞նչ խաղաղություն այդ դեպքում»,- նշեց նա։
Ըստ Արփի Թոփչյանի՝ Ադրբեջանի ագրեսիան կանգնեցնելու միայն մեկ եղանակ կա՝ նա իր դիմաց ուժ պիտի տեսնի։
«Սեփական իրավունքներից հրաժարվելը չի կանխարգելի պատերազմը, հակառակը՝ այն այդ ձևով ավելի է մոտենում։ Պետք է հայտարարել աշխարհին ի լուր, որ ՀՀ-ն չի պատրաստվում նվաստացուցիչ պայմաններով Ադրբեջանի հետ պայմանագիր կնքել, և ասել, որ եթե այլընտրանքը պատերազմն է, ուրեմն՝ մենք պատրաստ ենք պայքարել մեր գոյության իրավունքի համար։ Հաջորդ օրը Երևանում կլինեն շատ երկրների ներկայացուցիչներ՝ պայմանավորվելու քեզ հետ»,- նշեց Թոփչյանը։
Հարցազրույցն ամբողջությամբ՝ տեսանյութում։
Ռոբերտ Անանյան
