16.09.2026 | 00:14
Կռվախնձոր դարձած դուռն ու արտահերթ ընտրությունների նախերգանքը․ Գյումրիի ավագանու նիստը լարվեց. ՏԵՍԱՆՅՈՒԹ
ԱՄՆ-ը չի ցանկանում էսկալացիա և չի սատարում ՌԴ-ի տարածքին ուկրաինական հարվածները. Պետդեպի խոսնակ
Քաղաքականություն
31.05.2023 | 22:13
ԱՄՆ Պետքարտուղարության խոսնակ Ջոն Քիրբին CNN-ին տված հարցազրույցում վերահաստատել է Սպիտակ տան քաղաքականությունը, որը չի սատարում ուկրաինական բանակի հարվածները Ռուսաստանի տարածքին։
Քիրբին ընդգծել է, որ ուկրաինական կողմը վստահեցրել է ԱՄՆ-ին, որ նման հարվածների համար չի օգտագործի Ամերիկայից ստացված զենքերը։
«Մենք մտադիր ենք շարունակել տրամադրել այն, ինչ նրանց անհրաժեշտ է ինքնապաշտպանության և իրենց տարածքը՝ ուկրաինական հողը պաշտպանելու համար, սակայն մենք չենք սատարում ՌԴ տարածքի վրա հարձակումները։ Մենք համաձայն ենք, որ ուկրաինացիներն ինքնապաշտպանվելու իրավունք ունեն։ Վերջին 15 ամիսներին մենք ոչինչ չենք արել՝ բացի այն, որ նրանց օգնել ենք պաշտպանվել և պաշտպանել իր տարածքը ռուսական ագրեսիայից»,- վստահեցրել է Քիրբին։
«Մենք ասացինք, որ չենք ցանկանում խրախուսել կամ նպաստել հարձակումներին Ռուսաստանի ներսում, քանի որ չենք ցանկանում, որ պատերազմը վերաճի ավելի մեծ բռնության, քան այն, ինչին արդեն բախվել է ուկրաինացի ժողովուրդը»,- հավելել է ամերիկացի պաշտոնյան:
Տաթև Ֆռանգյան
