16.12.2025 | 14:46
Ակադեմիական քաղաքի զարգացման նոր հայեցակարգ կընդունվի, 2 տարի առաջ ընդունվածն ուժը կորցրած կճանաչվի
Հյուսիսային Կորեային չի հաջողվել արբանյակն ուղեծիր դուրս բերել
Քաղաքականություն
31.05.2023 | 15:55
Հյուսիսային Կորեայի առաջին հետախուզական արբանյակի արձակումն անհաջող է ավարտվել՝ հրթիռն ընկել է Դեղին ծով։ Ճապոնական Օկինավա կղզու բնակիչները չորեքշաբթի առավոտյան արթնացրել են օդային ռմբակոծության ազդանշանից, գրում է Euronews-ը։
Հյուսիսային Կորեան փորձել է արձակել իր առաջին հետախուզական արբանյակը, որն ավարտվել է անհաջողությամբ։
Սեուլը հայտնել է, որ հյուսիսկորեական հրթիռն «անոմալ թռիչք» է կատարել՝ նախքան ջուրն ընկնելը։
«Առավոտյան ժամը 6:29-ին մեր զինվորականները հետևել են Հյուսիսային Կորեայի տիեզերական հրթիռի ենթադրյալ արձակմանը Դոնչհան-րիի շրջակայքից: Արկը թռել է ջրերի վրայով Բաեննյոնդո կղզուց դեպի արևմուտք և անոմալ թռիչքից հետո ընկել ջուրը՝ Օչհոնգդո կղզուց 200 կմ դեպի արևմուտք»,- հայտարարել է Հարավային Կորեայի միացյալ շտաբի աշխատակից Լի Կվան Սուբը։
Փհենյանը հաստատել է, որ Սոհեից արբանյակի արձակման փորձը ձախողվել է։
Ավելի վաղ Ճապոնիան սպառնացել էր խոցել հյուսիսկորեական հետախուզական արբանյակը։
Տաթև Ֆռանգյան
