04.11.2024 | 22:30
Հայաստանի մի շարք հասցեներում էլեկտրաէներգիայի անջատումներ կլինեն
ԿԺԴՀ-ն հրթիռ է արձակել՝ լրտեսական արբանյակ արձակելու հայտարարությունից հետո
Քաղաքականություն
31.05.2023 | 13:57
Հյուսիսային Կորեան «կրիչ հրթիռ» է արձակել հարավային ուղղությամբ։ Այս մասին հայտնել է Հարավային Կորեայի շտաբի պետերի միացյալ շտաբը, գրում է DW-ի ռուսական ծառայությունը։
Սեուլում դրա հետ կապված օդային տագնապ է հայտարարվել, Հարավային Կորեայի մայրաքաղաքի բնակիչներին խնդրել են պատրաստ լինել տարհանման, առաջին հերթին՝ «երեխաներին ու տարեցներին անվտանգ վայրեր հասցնելուն»։
Կարճ ժամանակ անց երկրի Ներքին գործերի նախարարությունը հայտարարել է, որ քաղաքային իշխանությունների կողմից ուղարկված նախազգուշացումը «սխալ է կազմված»։
Մայիսի 31-ի առավոտյան Ճապոնիայի հարավում ևս օդային հարձակման նախազգուշացում է հայտարարվել:
«Հյուսիսային Կորեան բալիստիկ հրթիռ է արձակել, այն կարող է վայրէջք կատարել Օկինավա պրեֆեկտուրայի տարածքում։ Խնդրում ենք անցնել անվտանգ ապաստարաններ շենքերի ներսում կամ նկուղներում»,- նման նախազգուշացում է հրապարակվել Ճապոնիայի Զբոսաշրջության ազգային կազմակերպության կողմից, այդ թվում՝ երկրի վարչապետի Twitter-ի պաշտոնական էջում։
Տաթև Ֆռանգյան
