16.12.2025 | 20:19
«Առանց հանգստյան օրերի». երբ պատրաստ կլինեն 300 դպրոցները և Ակադեմիական քաղաքը՝ ըստ Անդրեասյանի
«Պատմական այց»․Բաքվում բանակցություններ են անցկացրել Իսրայելի ու Ադրբեջանի նախագահները
Քաղաքականություն
30.05.2023 | 15:42
Երկրօրյա պաշտոնական այցով Ադրբեջանում է Իսրայելի նախագահ Իսահակ Հերցոգը։ Ադրբեջանական լրատվամիջոցների հաղորդմամբ Հերցոգն Իլհամ Ալիևի հետ նախ բանակցություններ է անցկացրել առանձին, ապա՝ պատվիրակությունների ընդլանված կազմով։ Ադրբեջանի նախագահի աշխատակազմի հաղորդմամբ՝ Ալիևը ողջունել է հյուրին ու նշել, որ «այցը մեծ խթան կհաղորդի երկու երկրների բարեկամական հարաբերությունների զարգացմանը»։
«Մենք շատ լավ քննարկեցիքն մեր երկկողմ օրակարգն ու տարածաշրջանային հարցերը։ Այցից հետո մենք դրական միտում կտեսնենք։ Որովհետև ես միանգամայն վստահ եմ, որ կա մեծ ներուժ, թեև մենք արդեն շատ բան ենք արել տարբեր ոլորտներում՝ առևտրի, էներգետիկայի, անվտանգության ոլորտում։ Այնուամենայնիվ, դեռ շատ բան կա անելու։ Ձեր այցն Ադրբեջան, իհարկե, պատմական այց ենք համարում։ Շնորհակալ եմ իմ հրավերն ընդունելու համար»,-ասել է Ալիևը։
Հերցոգն էլ իր հերթին նշել է, որ Իսրայելի և Ադրբեջանի գործընկերությունը շատ ոլորտներ է ընդգրկում։
«Ես կարծում եմ, որ դա ուղերձ է պարունակում, որ եթե հրեաներն ու մահմեդականները միասին աշխատեն հանուն խաղաղության, եթե նրանք միասին բաց երկխոսության մեջ լինեն, եթե միասին աշխատեն հանուն խաղաղության, կարող են միասին մեծ բաներ անել: Երկրորդ, դա ռազմավարական հարաբերություն է, քանի որ մենք ազդում ենք ողջ տարածաշրջանի վրա՝ խաղաղության, բարգավաճման և զարգացման տեսանկյունից»,-ասել է Իսրայելի նախագահը։
Էմմա Չոբանյան
