18.12.2025 | 13:18
Ռուսաստանը և ԱՄՆ-ն այս հանգստյան օրերին բանակցություններ կանցկացնեն Մայամիում. Politico
Իսրայելի նախագահն Ադրբեջան է ժամանել անվտանգության բարձր միջոցների կիրառմամբ և Իրանի հասցեին քննադատություններով
Քաղաքականություն
30.05.2023 | 14:06
Իսրայելի նախագահ Իսահակ Հերցոգը պաշտոնական այցով ժամանել է Ադրբեջան։ The Jerusalem Post-ը հայտնում է, որ Հերցոգի այցն Ադրբեջան ծրագրվել է անվտանգության ավելի բարձր մակարդակով, քան սովորական դեպքերում, այն մտավախությունների ֆոնին, որ Իրանը կփորձի խափանել այցը։
«Ադրբեջանն Իրանի հարևանն է՝ տարածաշրջանում ապակայունացնող ուժ, որը ձգտում է խարխլել տարածաշրջանում խաղաղության և անվտանգության իսրայելական դաշինքները»,- ասել է Հերցոգը Բեն-Գուրիոն օդանավակայանում Բաքու մեկնելուց առաջ։
Լրատվամիջոցը նշում է, որ ադրբեջանական ուժերն ու և Շին Բեթը (Իսրայելի Անվտանգության գործակալությունը) Հերցոգի այցի համար անվտանգության գոտի են ստեղծել Բաքվի ամբողջ տարածքում։ Հազարավոր զինվորների և ոստիկանների հանձնարարվել է պարեկել Ադրբեջանի մայրաքաղաքը:
Հաղորդվում է, որ ամբողջ պատվիրակությանն արգելվել է այցի ընթացքում հեռախոսները միացնել բջջային ցանցերին կամ բաժանվել խմբից:
Ադրբեջանական լրատվամիջոցներն էլ հայտնում են, որ Բաքվի միջազգային օդանավակայանում պաշտոնական դիմավորման արարողությունից հետո Ադրբեջանի նախագահ Իլհամ Ալիևն արդեն ընդունել է Հերցոգին։
Էմմա Չոբանյան
