26.02.2026 | 17:07
Կբացառվեն ժանգոտված կամ վնասված գովազդային վահանակների առկայությունը ՀՀ պետական ավտոմոբիլային ճանապարհներին
Պուտինն ուժը կորցրած է հայտարարել Եվրոպայում սովորական զինված ուժերի մասին պայմանագիրը
Քաղաքականություն
29.05.2023 | 16:24
Ռուսաստանի նախագահ Վլադիմիր Պուտինն օրենք է ստորագրել, որով ուժը կորցրած է հայտարարել Եվրոպայում սովորական զինված ուժերի մասին պայմանագիրը: Փաստաթուղթը հրապարակվել է պաշտոնական իրավական ակտերի պորտալում, փոխանցում է Կոմերսանտը։
Եվրոպայում սովորական զինված ուժերի մասին պայմանագիրը ստորագրվել է 1990 թվականին։ Պայմանագրով սահմանվել են մարտական տանկերի, զրահատեխնիկայի, հրետանու, հարվածային ուղղաթիռների և մարտական ինքնաթիռների քանակի քվոտաներ։ Ռուսաստանը դադարեցրել է մասնակցությունը 2007 թվականի հուլիսին այն բանից հետո, երբ ՆԱՏՕ-ն հրաժարվեց վավերացնել պայմանագրի նորացված տարբերակը:
2023 թվականի մայիսի 10-ին Վլադիմիր Պուտինն օրինագիծ է ներկայացրել պայմանագիրը չեղյալ հայտարարելու համար։ Դրան կից բացատրական գրության մեջ նշվում է, որ պայմանագիրը «մեծ մասամբ հնացած է և կորցրել է իրականության հետ կապը», այդ թվում՝ ՆԱՏՕ-ի ընդլայնման պատճառով։
Մայիսի 16-ին այն ընդունվել է Պետդումայի պատգամավորների կողմից, մայիսի 24-ին էլ հաստատվել է Դաշնության խորհրդում։
Տաթև Ֆռանգյան
