Տնտեսություն
29.05.2023 | 11:312022-ին միջին ամսական անվանական աշխատավարձը նախորդ տարվա նկատմամբ աճել է 15,5 տոկոսով: Այս մասին այսօր ԱԺ հանձնաժողովների համատեղ նիստում 2022 թվականի պետական բյուջեի կատարողականի քննարկման ժամանակ իր ելույթում նշեց ՀՀ վարչապետ Նիկոլ Փաշինյանը:
«Սա շատ կրևոր ցուցանիշ է գնաճի պայմաններում: Մենք տեսնում ենք, որ աշխատող մարդու համար մնք կարողացել ենք գնաճը ոչ միայն փոխհատուցել, այլև աշխատավարձի աճ ապահովել: Ֆինանսների նախարարության տրամադրած տվյալների համաձայն իրական աշխատավարձն աճել է 6,3 տոկոսով: Սա նշանակում է, որ եթե գնաճի ազդեցությունը զրոյացնենք, դնենք մի կողմ, ապա 6,3 տոկոս իրական աշխատավարձն աճել է»,- նշեց վարչապետը։
Փաշինյանի խոսքով՝ սոցիալական ոլորտում բարեփոխումներն արվելու են հետևյալ տրամաբանությամբ. «Եթե մարդն աշխատունակ է և շուկայում կա աշխատանք, ինչու պետք է պետությունը նրան վճարի սոցիալական նպաստ: Մանավանդ, մենք տեսնում ենք դեպքեր, երբ մարդն ունի բնակարան, որն այսօրվա շուկայական արժեքով կարող է արժենալ 300-500 հազար դոլար, բայց նա պետությունից ստանում է նպաստ: Սա ոչ մի տրամաբանության մեջ չի մտնում:
Պարզվել է, որ Մաշտոցի պողոտայում սեական բնակարան ունեցող մարդ կա, որ սոցիալական նպաստ է ստանում, կամ մարդիկ կան, որ 26-30 հազար նպաստ են ստանում և ամսական 400 հազար վարկ են փակում»:
Մանրամասները՝ տեսանյույթում։
