16.05.2026 | 21:37
Փաշինյանը ներկայացրել է վարորդական իրավունքից զրկված անձանց խնդրի լուծման իր տարբերակը
Բայդենը շնորհավորել է Էրդողանին ընտրություններում հաղթելու կապակցությամբ
Քաղաքականություն
29.05.2023 | 11:33
ԱՄՆ նախագահ Ջո Բայդենը շնորհավորել է Թուրքիայի նախագահ Ռեջեփ Թայիփ էրդողանին ընտրությունների երկրորդ փուլի արդյունքում Թուրքիայի նախագահի պաշտոնում վերընտրվելու կապակցությամբ։
«Շնորհավորանքներս Թուրքիայի նախագահ Ռեջեփ Թայիփ Էրդողանին վերընտրվելու կապակցությամբ։
Ակնկալում եմ շարունակել միասին աշխատել որպես ՆԱՏՕ-ի դաշնակիցներ երկկողմ խնդիրների և ընդհանուր գլոբալ մարտահրավերների շուրջ»,-Twitter-ում գրել է Բայդենը:
Թուրքիայում արդեն 20 տարի կառավարող Ռեջեփ Թայիփ Էրդողանն ընտրությունների երկրորդ փուլում 2 միլիոնով ավելի ձայն է հավաքել, քան ընդդիմության միասնական թեկնածու Քեմալ Քըլըչդարօղլուն։
Քվեարկության կազմակերպման և ձայների հաշվարկի վերաբերյալ լուրջ բողոքներ չեն եղել, սակայն ընդդիմությունն ընտրություններն ազատ չի համարում, քանի որ Թուրքիայում ընտրական հանձնաժողովն ու դատարանները փաստացի ենթարկվում են նախագահին, խոսքի ազատությունը ճնշված է, իսկ իշխանությունների ազդեցիկ հակառակորդները բանտերում են կամ անցնում են տարբեր քրգործերով։
Տաթև Ֆռանգյան
