14.12.2025 | 17:25
Իրավիճակը ճանապարհներին՝ 17։15-ի դրությամբ
Այն, որ սա հնարավորություն է, փաստ է. Արծվիկ Մինասյանը՝ կուտակային կենսաթոշակային համակարգի մասին
Տնտեսություն
02.07.2018 | 21:44
Կառավարության առնվազն չորս գերատեսչություններ ուսումնասիրություններ են կատարում, որպեսզի պարտադիր կուտակային կենսաթոշակային համակարգին վերջնական գնահատական տրվի:
Այս մասին այսօր՝ հուլիսի 2-ին լրագրողների զրույցում ասաց ՀՀ տնտեսական զարգացման եւ ներդրումների նախարար Արծվիկ Մինասյանը:
«Դա նշանակում է, որ պետք է այնպիսի ակտիվներ ձևավորել, որ անկախ նրանից՝ կուտակային համակարգը կլինի պարտադիր, թե՞ կամավոր, այստեղի ֆինանսական ակտիվները լինեն ապահովված, գրավիչ եւ առնվազն եկամտաբերության տեսանկյունից՝ նախընտրելի»,- նշեց նախարարը:
Արծվիկ Մինասյանը նշեց, որ սրանք ինչ-որ առումով իրար հակասող մոտեցումներ են, բայց սրանց հավասարակշռումը չափազանց կարևոր է: «Հայաստանի տնտեսությունում պետք է ձևավորենք այնպիսի ակտիվներ՝ արժեթղթերի տեսքով կամ ուղիղ ֆիզիկական ակտիվների տեսքով, որոնք հնարավորություն կտան փողերը երկրի ներսում պահել եւ շրջանառել: Տնտեսությանն օգուտ բերելու տեսանկյունից սա նշանակում է, որ պետք է ձևավորենք արժեթղթերի կապիտալի համակարգ Հայաստանում: Այն, որ սա հնարավորություն է, փաստ է: Իսկ այս հնարավորությունը որքանով կկարողանանք վերածել իրական արժեքի, դա նաեւ յուրաքանչյուրիս գործն է, հատկապես՝ պատկան մարմինների»,- ասաց նա:
