09.09.2026 | 15:51
Զարուհի Բաթոյանն ընտրվեց Առողջապահության հարցերի մշտական հանձնաժողովի փոխնախագահ․ ՏԵՍԱՆՅՈւԹ
Ուզու՞մ ենք ունենալ որակյալ արդարադատություն, պետք է թոթափենք դատարանների ծանրաբեռնվածությունը․ ՏԵՍԱՆՅՈՒԹ
Քաղաքականություն
25.05.2023 | 15:38
ՀՀ Ազգային ժողովի մայիսի 25-ի նիստում քննարկվում է Վճռաբեկ դատարանի քաղաքացիական պալատի դատավորի ընտրության հարցը:
Բարձրագույն դատական խորհուրդն առաջադրել է դատավորներ Վահագն Թորոսյանի, Լիլիթ Խաչատրյանի և Անի Մխիթարյանի թեկնածությունները:
Դատավորի թեկնածու Լիլիթ Խաչատրյանը, ներկայացրեց իր տեսլականը՝ անդրադառնալով դատական համակարգում առկա խնդիրներին։
Խաչատրյանի դիտարկմամբ՝ անհրաժեշտություն կա, որ դատաիրավական համակարգում բարեփոխումները կրեն շարունակական բնույթ։
«Այսօր դատաիրավական համակարգի առջև կանգնած առաջնային խնդիր է դատավորների անհամաչափ ծանրաբեռնվածությունը։ Պետք է ամեն ինչ արվի դատարանների ծանրաբեռնվածությունը թոթափելու համար։ Դատավորների անհամաչափ ծանրաբեռնվածության հետևանքով է, որ խախտվում են գործերի քննության ողջամիտ ժամկետները, ինչն առաջացնում է հասարակության դժգոհությունը և անվստահությունը դատական համակարգի նկատմամբ։
Եթե ուզում ենք ունենալ վստահելի և որակյալ արդարադատություն, պետք է թեթևացնենք դատարանների ծանրաբեռնվածությունը։ Դրա համար պետք է արվեն գործուն քայլեր։ Դրա համար առաջին հերթին անհրաժեշտ է համամասնորեն համալրել դատավորների թիվը»։,- նշեց խաչատրյանը՝ միաժամանակ նկատելով, որ միայն դատավորների թվի ավելացմամբ այս խնդիրը չի լուծվի, անհրաժեշտ է նաև գործուն քայլեր ձեռնարկել դատարան մուտքագրվող գործերի քանակը նվազեցնելու ուղղությամբ։
Մանրամասները՝ տեսանյութում։
