15.12.2025 | 13:20
Իշխանությունը ԵՄ-ից գումարներ է «քերում» ընդդիմադիրներին պախարակելու համար. Գառնիկ Դանիելյան․ ՏԵՍԱՆՅՈՒԹ
Լոնդոնում Էդինբուրգի դքսուհուն ուղեկցող ոստիկանական մոտոցիկլետը վրաերթի է ենթարկել տարեց կնոջ
Քաղաքականություն
25.05.2023 | 16:38
Երկու շաբաթ առաջ ոստիկանական մոտոցիկլետը, որն ուղեկցում էր Էդինբուրգի դքսուհի Սոֆիի թագավորական շարասյունը, վրաերթի է ենթարկել Բիրչենջերից 81-ամյա Հելեն Հոլանդին։ Այս մասին հայտնում է BBC-ն։
Նշվում է, որ վթարի պահին Հելեն Հոլանդը Լոնդոնում է եղել՝ քրոջն այցելության։ Դեպքից հետո կնոջը տեղափոխել են հիվանդանոց, որտեղ նա մահացել է։
Հոլանդի ընտանիքը հայտնել է, որ բժիշկները մոտ երկու շաբաթ պայքարել են նրա կյանքի համար, սակայն ուղեղի վնասվածքը հանգեցրել է մահվան: Նրա որդին՝ Մարտինն ասել է, որ մայրը մահացել է «ոսկորների բազմաթիվ կոտրվածքներից և ներքին վնասվածքներից»։
Իր հերթին, Բուքինգեմյան պալատը հայտարարել է, որ դքսուհին «խորապես վշտացած է», և նրա անունից խորին ցավակցություններ են հղել մահացածի ողջ ընտանիքին։
Տեղեկացվում է, որ IOPC-ն անկախ հետաքննություն է սկսել դեպքի առթիվ։
Տաթև Ֆռանգյան
