24.11.2024 | 17:00
Ֆրանսիայի Բրոն համայնքում Մեղրի քաղաքի պուրակ է բացվել
Արարատի մարզի մանկապարտեզում թունավորման պատճառը ներսում կանոնները չպահելն է․ Քերոբյան. ՏԵՍԱՆՅՈՒԹ
Հասարակություն
24.05.2023 | 19:57
ՀՀ կառավարությունը պատրաստ է քննարկել ներմուծված կաթի փոշու քվոտավորումը։ Այս մասին ԱԺ–ում հարցուպատասխանի ընթացքում ասել է էկոնոմիկայի նախարար Վահան Քերոբյանը` պատասխանելով ՔՊ–ական պատգամավոր Մաթևոս Ասատրյանի հարցին։
Ասատրյանը, ինչպես նաև ՔՊ–ից մեկ այլ պատգամավոր Նարեկ Գրիգորյանը, նշել էին, որ այս տարի կաթ վերամշակողներն իջեցրել են մթերման գները` մինչև 120-130 դրամ 1 լիտրի դիմաց։ Ավելին, ըստ Ասատրյանի, կաթն ընդունվում է սահմանափակ քանակությամբ։ Վերջապես, խնդիր է ստեղծում նաև ներմուծված կաթի փոշին, որն ավելին էժան է տեղական կաթից։
«Մթերման գների և ներմուծված փոշու հետ մրցակցության առումով կարելի է դիտարկել ներմուծումը քվոտավորելու հարցը։ Իսկ ինչ վերաբերում է կաթի ընդունման սահմանափակումներին, ապա դրանք կարող էին առաջանալ այն բանից հետո, երբ ժամանակավորապես արգելվել էր հայկական կաթնամթերքի արտահանումը Ռուսաստան»,-նշեց նախարարը։
Այժմ ՀՀ–ից Սննդի անվտանգության տեսչական մարմինը, իսկ ՌԴ կողմից` Ռոսսելխոզնադզորը ինտենսիվ աշխատանք են տանում, որպեսզի որակական չափանիշներին համապատասխանող ընկերությունների համար արտահանման սահմանափակումը հանվի։
Անդրադառնալով պատգամավոր Գուրգեն Արսենյանի դիտարկմանը՝ կաթնամթերքի ստանդարտների պահպանման վերաբերյալ, Քերոբյանը նշեց, որ պլանավորվել է մեկուկես տարվա ընթացքում այնպիսի բարեփոխումներ իրականացնել, որոնք թույլ կտան սկզբունքորեն փոխել սննդամթերքի անվտանգության հետ կապված իրավիճակը։
Նախարարաի խոսքով՝ վերջերս Արարատի մարզի մանկապարտեզում թունավորման պատճառը, ամենայն հավանականությամբ, ներսում սննդի անվտանգության կանոնները չպահելն է։
«Մեր ջանքերը պետք է ուղղենք սննդի հետ գործ ունեցող օբյեկտներում ստանդարտների պատշաճ մեխանիզմների ներդրման ուղղությամբ»,- ընդգծեց Քերոբյանը։
Մանրամասները՝ տեսանյութում։
