26.02.2026 | 09:45
ՀՀ տարածքում ավտոճանապարհները հիմնականում անցանելի են
Ուկրաինացի զինվորականներին կսովորեցնեն F-16 կործանիչներ և Abrams տանկեր վարել
Քաղաքականություն
24.05.2023 | 16:17
Առաջիկա օրերին ուկրաինացի զինվորականները կսկսեն վերապատրաստվել Abrams տանկերի շահագործման համար։ Այս մասին հայտնել է Պենտագոնի մամուլի քարտուղար, բրիգադային գեներալ Փեթ Ռայդերը VOA-ին, որին վկայակոչում է BBC-ի ռուսական ծառայությունը։
Անանուն աղբյուրն էլ պատմել է, որ այս շաբաթ Գերմանիա են ժամանում առնվազն 250 ուկրաինացիներ։ 10 շաբաթ զինվորականներին սովորեցնելու են տանկերի կառավարման, մանևրելու և դրանց սպասարկման հարցերը։ Ուկրաինացիները մարզվելու են 31 Abrams տանկերի վրա, որոնք Գերմանիա են ժամանել այս ամսվա սկզբին։ Ամերիկացի պաշտոնյաները հայտնել են, որ տանկերի ևս մեկ խմբաքանակ վերանորոգման փուլում է ԱՄՆ-ում և Ուկրաինա կմատակարարվի աշնանը:
BBC News-ի ռազմական վերլուծաբան Քրիս Փարթրիջն իր հերթին Twitter-ում գրել է, որ դեռ հայտնի չէ՝ ով է ուսուցանելու ուկրաինացի զինվորականներին, որտեղ է անցկացվելու ուսուցումը և, ի վերջո, քանի ինքնաթիռ է արդյունքում մատակարարվելու Ուկրաինա։
«F-16-երն Ուկրաինայի համար երկարաժամկետ պարտավորություն են: Դրանք նշանակություն չեն ունենա առաջիկա հակահարձակման համար»,- Ռայդերի խոսքերն է մեջբերել վերլուծաբանը:
Արդեն մի քանի ամիս է, ինչ Արևմուտքի կողմից F-16-երի մատակարարման շուրջ բանակցություններ են ընթանում։ Ավելի վաղ հայտնի էր դարձել, որ Նիդեռլանդները պատրաստ է Ուկրաինային առաջինը փոխանցել այդ կործանիչները։
Էմմա Չոբանյան
