18.12.2025 | 15:28
Պատրաստ եմ ընդունել իր արժանապատիվ հեռացումը ապահովելու օրակարգով․ Փաշինյանը՝ Գարեգին Բ-ի մասին․ ՏԵՍԱՆՅՈՒԹ
Մեր թիմը թրծված է, մեզ էր ձեռնտու արտահերթ ընտրություններ անել․ Ավինյան․ ՏԵՍԱՆՅՈՒԹ
Քաղաքականություն
24.05.2023 | 13:48
Մեզ համար մեծ տարբերություն չկար՝ ավագանու ընտրությունները տեղի կունենային հունիսի՞ն, թե՞ սեպտեմբերին, ընդամենը երեք ամսվա տարբերության մասին է խոսքը, և չեմ կարծում, որ դա որևէ էական բան փոխում է։ Այս մասին այսօր Factor TV-ի հարցին ի պատասխան՝ ասաց Երևանի փոխքաղաքապետ Տիգրան Ավինյանը։
«Ես վստահ եմ, որ «Ապրելու երկիր» կուսակցությանը պետք է ավելի ժամանակ նախապատրաստվելու ընտրություններին, ուղղակի սա ևս մեկ քաղաքական առիթ է՝ ևս մեկ մեղադրանք մեր կողմ հնչեցնելու, չնայած այս մեղադրանքն իրապես անհիմն է։ Վստահաբար, միգուցե մեզ ավելի ձեռնտու լիներ ավելի շուտ անել ընտրությունները»,- ասաց Ավինյանը։
Հստակեցնող հարցին՝ այսինքն՝ ՔՊ-ն այլևս պատրաստվելու կարիք չունի՞, Ավինյանը պատասխանեց․ «Մենք, ընդհանուր առմամբ, մեր թիմը բավականին թրծված է բոլոր նմանատիպ գործընթացներով անցնելու, այսինքն՝ ընտրական գործընթացները մեզ համար սովորական երևույթ են։ Կարծում եմ՝ պատրաստվածության տեսանկյունից, միգուցե, մեզ ավելի ձեռնտու էր ավելի շուտ անել ընտրությունները, բայց մենք չենք գնացել օրենքը խախտելու ճանապարհով»։
Դիտարկմանը՝ միգուցե պատրաստված են, որովհետև ինքը դեռ 2022-ի օգոստոսից՝ «Սուրմալու»-ի ողբերգության օրերի՞ց էր սկսել քարոզարշավը, Ավինյանն ասաց․ «Մեկ տարի նույն հարցն ենք քննարկում»։
Մանրամասները՝ տեսանյութում։
Արփի Հակոբյան
