24.11.2024 | 21:56
Միակն ու անկրկնելին. ՀՀ-ում Ֆրանսիայի դեսպանի արձագանքը՝ Ադրբեջանի տարածքային պահանջներին
Ռուսաստանը հուսով է, որ ԵՏՄ-ի և Իրանի միջև ազատ առևտրի գոտու մասին համաձայնագիրը շուտով կստորագրվի
Քաղաքականություն
24.05.2023 | 14:52
Ռուսաստանը հույս ունի վաղաժամկետ ստորագրել Եվրասիական տնտեսական միության և Իրանի միջև ազատ առևտրի գոտու (ԱԱԳ) մասին համաձայնագիրը։ ՌԻԱ Նովոստիին այս մասին ասել է փոխվարչապետ Ալեքսեյ Օվերչուկը։
«Մենք ակնկալում ենք, որ ԵՏՄ-ի և Իրանի Իսլամական Հանրապետության միջև ազատ առևտրի գոտու մասին համաձայնագիրը կստորագրվի մինչև տարեվերջ։ Սա համապարփակ փաստաթուղթ է, որը կփոխարինի ԱԱԳ-ի ձևավորմանը տանող ժամանակավոր համաձայնագրին, որը ներկայում գործում է»,- ասել է նա։
Փետրվարի սկզբին Թեհրանում Ռուսաստանի դեսպան Ալեքսեյ Դեդովը հայտարարել էր, որ համաձայնագրի շուրջ բանակցությունները վերջնական փուլում են։ Նա նշել էր, որ ազատ առևտրի գոտու ստեղծումը կբերի ներքին շուկայում ապրանքների, մասնավորապես, կենցաղային տեխնիկայի տեսականու ընդլայնմանը։
Այն ժամանակ, ըստ դեսպանի, կողմերը համաձայնության էին եկել հարցերի մեծ մասի շուրջ, սակայն չլուծված էր մնացել գյուղատնտեսական ապրանքների առանձին կատեգորիաների շուկա փոխադարձ հասանելիության խնդիրը։
Տաթև Ֆռանգյան
