16.12.2025 | 23:30
Հաագայում 35 երկիր ստորագրել է Ուկրաինային փոխհատուցման համար միջազգային հանձնաժողովի ստեղծման կոնվենցիան
Փարիզում երկաթուղայինները բողոքի ցույց են անցկացրել Եվրահանձնաժողովի շենքում
Քաղաքականություն
23.05.2023 | 18:41
Երկաթուղայիններն ու արհմիութենականները գրավել են Փարիզոյւմ Եվրահանձնաժողովի շենքի նախասրահը, գրում է ՌԻԱ Նովոստին։
Ցուցարարները ներխուժել են շենք և հրավառություն իրականացրել։ Ցուցարարները եղել են Solidaires երկաթուղայինների արհմիության բաճկոններով։ Նրանք պարզել են «Եկեք ստիպենք վերսկսել երկաթուղային բեռնափոխադրումները», «Եվրոպան կսպանի 5000 աշխատատեղ» գրությամբ պաստառներ։
Ավելի վաղ՝ ապրիլի սկզբին երկաթուղայինները և արհմիութենականները, ովքեր բողոքում էին կենսաթոշակային բարեփոխումների դեմ, գրավել էին Euronext ֆոնդային բորսայի շենքը Փարիզի հյուսիսում գտնվող Դեֆանս բիզնես թաղամասում: Ակցիան կազմակերպվել էր «Աշխատանքի համընդհանուր համադաշնություն» (CGT) արհմիությունների կոչով։ Այն տեղի է ունեցել Ազգային երկաթուղային ընկերության (SNCF) գործադուլի ֆոնին՝ ի նշան կենսաթոշակային բարեփոխումների դեմ բողոքի, որը արհմիություններն անվանել են «Երկաթուղային ցասման օր»:
Ֆրանսիայում գործադուլի պատճառով խափանվել է գնացքների երթևեկությունը։
Տաթև Ֆռանգյան
