08.04.2026 | 22:00
ԵՏՄ-ում մնալը ձեռնտու է՝ ՀՀ-ին շահավետ գործարք է․ ԵՄ-ում չենք ունենա տնտեսական նման կարողություններ․ Մանե Թանդիլյան. ՏԵՍԱՆՅՈՒԹ
ՆԱՏՕ-ի գլխավոր քարտուղարի հատուկ ներկայացուցիչը կայցելի Հայաստան
Քաղաքականություն
23.05.2023 | 13:15
Հարավային Կովկասում և Կենտրոնական Ասիայում ՆԱՏՕ-ի գլխավոր քարտուղարի հատուկ ներկայացուցիչ Խավիեր Կոլոմինան վաղն այցելելու է Վրաստան։ Այս մասին հաղորդում է Վրաստանի «Առաջին ալիքը»։
Նշվում է, որ նա Թբիլիսի է ժամանում տարածաշրջանային այցի շրջանակում։ Բացի այդ, Կոլոմինան այցելելու է նաև Հայաստան և Ադրբեջան։
Հիշեցնենք, որ ավելի վաղ Կոլոմինան ողջունել էր մայիսի 1-4-ը Վաշինգտոնում տեղի ունեցած Հայաստանի և Ադրբեջանի ԱԳ նախարարների բանակցությունները։
«Ուրախ ենք լսել, որ Վաշինգտոնում Հայաստանի և Ադրբեջանի միջև քառօրյա կառուցողական բանակցություններից հետո կայուն խաղաղության համաձայնագրի կնքման ուղղությամբ նկատելի առաջընթաց է գրանցվել։ Բանակցություններին և երկխոսությանն այլընտրանք չկա: ՆԱՏՕ-ն աջակցում է իր երկու գործընկերների՝ Հայաստանի և Ադրբեջանի միջև հարաբերությունների կարգավորմանը»,- գրել էր Կոլոմինան թվիթերյան իր էջում։
Էմմա Չոբանյան
