18.12.2025 | 01:35
Տհաճ միջադեպ՝ Արման Ծառուկյանի մենամարտի ժամանակ. ՏԵՍԱՆՅՈՒԹ
Սուդանում յոթերորդ զինադադարն է խախտվել
Քաղաքականություն
23.05.2023 | 13:36
Սուդանում հրադադարի հաստատման յոթերորդ փորձը հերթական անգամ ձախողվել է։ Մարտերը Խարթումում և այլուր շարունակվել են նախորդ գիշերվա զինադադարից հետո, հաղորդում է Euronews-ը։
Չնայած ԱՄՆ-ի և Սաուդյան Արաբիայի միջնորդությամբ 7-օրյա զինադադարին՝ Սուդանում մարտերը շարունակվել են։ Ականատեսները հայտնել են ավիահարվածների և բախումների մասին մայրաքաղաք Խարթումում և այլ բնակավայրերում:
Նոր զինադադարը պաշտոնապես ուժի մեջ է մտել երկուշաբթի՝ տեղական ժամանակով 21:45-ին։
Հրադադարի մեկնարկից ժամեր առաջ ելույթ ունենալով՝ Սուդանում ՄԱԿ-ի հատուկ ներկայացուցիչ Ֆոլկեր Պերտեսը կոչ է արել երկու կողմերին դադարեցնել պայքարը, որպեսզի մարդասիրական օգնությունը հասնի կարիքավորներին, իսկ պատերազմի գոտում արգելափակված խաղաղ բնակիչները կարողանան ապահով հեռանալ:
«Երկու կողմերն էլ ինձ կոչ են անում դատապարտել միմյանց գործողությունները։ Կոչ եմ անում երկու կողմերին դադարեցնել ռազմական գործողությունները և վերադառնալ երկխոսության՝ ի շահ Սուդանի և նրա ժողովրդի»,- հայտարարել է Պերտեսը։
Այս զինադադարն արդեն յոթերորդն է հակամարտության սկզբից ի վեր։ Հյուսիսարևելյան Աֆրիկայում մարտերում երկար դադարի հասնելու նախկին փորձերը խախտվել են կամ ձախողվել:
Տաթև Ֆռանգյան
