Նիկոլը պատերազմում հերոսի կոչումներ տվեց, հետո՝ բանտերը լցրեց նրանց․ վարկաբեկեցի՛ք հերոս ասվածը. Միքայել Հայրապետյան․ ՏԵՍԱՆՅՈՒԹ

Նիկոլ Փաշինյանն այսօրվա ասուլիսում ասաց, որ չի հորդորել իր որդուն՝ Աշոտ Փաշինյանին, որպեսզի նա Գայանե Հակոբյանի վերաբերյալ հանցագործության մասին հաղորդումը իրավապահներից հետ վերցնի․ «Այդ թեմայով խոսակցության ժամանակ նա ինձ զրկեց խնդրանքով կամ կոչով իրեն դիմելու հնարավորությունից։ Ինքն ասում էր՝ ամբողջ նպատակն այն չէ՞, որ ՀՀ-ում հարցերն իրավական ձևերով լուծվեն, ո՞նց արձագանքեմ այս փաստին, ես էլ իմ ընկերներին վերցնեմ, սպառնալիքին սպառնալիքո՞վ պատասխանեմ, առևանգմանը՝ առևանգմա՞մբ։ Ինքն ասել է՝ դա անընդունելի է, և ՀՀ-ում բոլոր հարցերը պետք է իրավական ձևով լուծվեն։ Ես չունեմ որևէ փաստարկ՝ այդ կոչով նրան դիմելու համար»։

Նա բացառել է, որ կհորդորի Աշոտ Փաշինյանին՝ բողոքը հետ վերցնելու։ Համոզի՞չ էր Փաշինյանի խոսքը։

Հանրային գործիչ Միքայել Հայրապետյանն ասում է, որ այս պատմության մեջ ակնհայտորեն կա արտաքին հետք։

«Սա Կրեմլի չեկիստական օպերացիան էր։ Այդ կինը շատ վատ բան է արել, բայց չպիտի բանտարկվեր։ Ամո՛թ այդ օպերացիայի հեղինակներին, որոնք զոհերի ծնողների հուզական վիճակը շահարկեցին։ Կեղծիք է վարչապետի այդ ասածը՝ բացառությո՛ւն պիտի արվեր։ Բոլոր մեղքերը խեղճ Նիկոլի վրա ենք բարդելու՝ քավության նոխազ դարձնելով, առանց ասելու՝ բայց ո՞վ նրան բերեց և փաթաթեց մեր վզին,ս առանց մտածելու, որ պապան Կրեմլն է իր հատուկ ծառայություններով։ ՌԴ-ի ամենահզոր զենքը ՀՀ-ում քաոս հրահրելն է։ Քարոզվում է ատելություն՝ սպանել, մորթել․ սա չեկիստական օպերացիա է։ Բայց նաև Նիկոլը պատերազմում բռերով հերոսի կոչում տվեց, հետո բանտերը լցրեց նրանց՝ վարկաբեկելով հերոս ասված»,- ասաց Հայրապետյանը։

Հարցազրույցն ամբողջությամբ՝ տեսանյութում։

Ռոբերտ Անանյան