16.12.2025 | 23:30
Հաագայում 35 երկիր ստորագրել է Ուկրաինային փոխհատուցման համար միջազգային հանձնաժողովի ստեղծման կոնվենցիան
ԱՄՆ պաշտպանական դեպարտամենտի ներկայացուցիչներն այցելել են «Եռաբլուր»․ ո՞վ է Հայաստան ժամանած ամերիկացի գեներալը
Քաղաքականություն
22.05.2023 | 17:25
Հայաստան ժամանած ԱՄՆ պաշտպանական դեպարտամենտի ներկայացուցիչներն այցելել են «Եռաբլուր»։
«Գեներալ-մայոր Քիթ Ֆիլիպսը և պարոն Պատրիկ Փրայորը ծաղկեպսակ են դրել Եռաբլուր զինվորական հուշահամալիրում՝ ի հիշատակ զոհված զինծառայողների»,- ասվում է ՀՀ-ում ԱՄՆ դեսպանատան թվիթերյան գրառման մեջ։
Այսօր ավելի վաղ ամերիկյան դեսպանատունը հայտնել էր, որ Երևան են ժամանել ԱՄՆ պաշտպանական դեպարտամենտի ներկայացուցիչները։
«ԱՄՆ դեսպանատունը ողջունում է պաշտպանության դեպարտամենտի գեներալ-մայոր Քիթ Ֆիլիպսին ու պարոն Պատրիկ Փրայորին Հայաստանում։ Այցի ընթացքում նրանք հանդիպելու են Հայաստանի կառավարության պաշտոնյաներին՝ քննարկելու մեր աճող գործընկերությունն անվտանգության ոլորտում»,- Թվիթերում հայտնել էր ԱՄՆ դեսպանատունը։
Ըստ պաշտոնական տեղեկատվության՝ գեներալ-մայոր Քիթ Ֆիլիպսը զբաղեցնում է պաշտպանական հետախուզական գործակալության գործողությունների գծով տնօրենի պաշտոնը։
Էմմա Չոբանյան
