07.05.2024 | 11:38
Այսօր Կրեմլում տեղի կունենա Պուտինի երդմնակալության արարողությունը
Նոյեմբերի 9-ի փաստաթղթում եղել է միջանցքի մասին կետ, որը հանվել է. Նիկոլ Փաշինյան․ ՏԵՍԱՆՅՈՒԹ
Քաղաքականություն
22.05.2023 | 15:55
Հայաստանի վարչապետ Նիկոլ Փաշինյանը հայտնեց, թե հայկական կողմը 2020 թվականի նոյեմբերի 9-ի եռակողմ հայտարարությունը ստորագրելուց առաջ ինչ կետեր է հանել փաստաթղթից։
Փաշինյանը նշեց, որ եղել են կետեր, որոնք հայկական կողմը հանել է փաստաթղթից՝ այն ստորագրելուց առաջ։ Դրանցից մեկը վերաբերվել է անկլավներին, մյուսը՝ Հայաստանի տարածքով միջանցքին։
«Այո, եղել են կետեր, որոնք մենք հանել ենք, և ասել ենք, որ դա ոչ մի պարագայում չենք ստորագրի։ Կետերից մեկը վերաբերվել է անկլավներին, մյուսը՝ Հայաստանի տարածքով միջանցքին»,- ասաց վարչապետը։
Փաշինյանը նաև հայտնեց, որ եղել են մարդիկ, որոնք ասել են, որ կարող է անկլավների մասին կետով էլ ստորագրել։ «Հետագայում, իհարկե, այդ մարդկանց մի մասը մեզ դավաճանության մեջ է մեղադրել և մեր հրաժարականն է պահանջել, բայց դա փաստ է։ Ես ցավում եմ, որ այդ խոսակցությունները չեն ձայնագրվել և չեն արձանագրվել, որովհետև այդ դեպքում շատ մարդիկ խոսելու տարբերակ ընդհանրապես չէին ունենա»,- նշեց վարչապետը։
Վարչապետի խոսքով՝ քաղաքական թիմից մարդիկ են եղել, որոնք կողմ չեն եղել փաստաթղթին, բայց հիմա էլ քաղաքական թիմի անդամ են. «Եթե «դեմ»-երի ցանկը հրապարակեմ, կարող է իմ անունն էլ այդ ցանկի մեջ հայտնվի»:
Նիկոլ Փաշինյանը նաև հայտարարեց, թե ՀՀ զինված ուժերի գլխավոր շտաբն ասել է, թե «անկլավներով ստորագրի»։ «Ես ասել եմ՝ ոչ, չեմ ստորագրի»:
Մանրամասները՝ տեսանյութում։
