25.11.2024 | 12:54
Ռուսական զորքերը հարվածել են Խարկովի կենտրոնին․ կան վիրավորներ
ՌԴ-ն շարունակելու է Հայաստանի հետ երկխոսությունը ՀԱՊԿ-ի թեմայով․ Պեսկովը՝ Փաշինյանի հայտարարությանն ի պատասխան
Քաղաքականություն
22.05.2023 | 15:34
ՌԴ նախագահի մամուլի խոսնակ Դմիտրի Պեսկովը հայտարարել է, որ Մոսկվան շարունակելու է Հայաստանի հետ երկխոսությունը ՀԱՊԿ-ի մասով։ Այս մասին նա ասել է լրագրողների հետ զրույցում՝ անդրադառնալով ՀՀ վարչապետ Նիկոլ Փաշինյանի հայտարարություններին, գրում են ռուսական լրատվամիջոցները։
«Ընդհանուր առմամբ, ՀԱՊԿ-ն անդամ երկրների շրջանում հեղինակություն վայելող կազմակերպություն է։ Կազմակերպությունն արդեն ցուցադրել է իր արդյունավետությունը։ Այն ունի զարգացման ներուժ։ Մենք կշարունակենք երկխոսությունը մեր հայ ընկերների հետ և կխոսենք ՀԱՊԿ-ում մեր հետագա համատեղ մասնակցության մասին»,- ասել է Պեսկովը։
Հավելենք, որ Նիկոլ Փաշինյանն այսօր հրավիրված ասուլիսում հայտարարել էր, որ ՀՀ-ն կարող է դե յուրե որոշում կայացնել ՀԱՊԿ-ին անդամակցությունը դադարեցնելու կամ սառեցնելու մասին, բայց դա տեղի կունենա այն դեպքում, երբ արձանագրվի, որ ՀԱՊԿ-ը դուրս է եկել Հայաստանից։
Էմմա Չոբանյան
